Vawiin chawhnu dar 1 khan Pu Vanhela Pachuau, Chief Secretary, Chairman na hnuaiah State Level Screening Committee on BADP chu Chief Secretary Conference Hall-ah meeting neih a ni. He meeting-ah hian kum 2011-2012 chunga BADP hnuaia Ministry of Home Affairs in Mizoram tan Rs. 3702 lakhs a rawn pek hman dan tur sawi ho a ni a. BADP pawisa hmang hian RD Block 16-ah hmalakna tur hrang hrang inkalpawhna kawng laih, khelmual siam hna, school building sak, damdawiin/ Health sub-centre thuamthat, ramri a Assam Rifles/BSF awmte hmunhma cheithat etc. te ruahman fel a ni.

Vawiin vek khan Chief Secretary Chairman na hnuai-ah Backward Region Grant Fund (BRGF) High Powered Committee neih a ni a. Kum 2010-2011 chhunga BRGF hnuaia hmalakna Annual Plan thlir ho a ni. BRGF hi Lawngtlai leh Saiha District-ah hman niin, he programme hnuaia Annual Plan hi peih fel a nih hnuah Central atanga pawisa dawng turin thawn thlak a ni ang.