Science Promotion Wing, SCERT buatsaihin State Level Students Science Seminar chu vawiin khan Vanapa Hall ah neih a ni.

SCERT hnuaia Science Promotion Wing chuan kum 1979 atang khan kum tin State Level Science seminar hi buatsaihin kumin hi a vawi 29-na a ni a. Kumin ah hian “Chandrayan : Promises & Concerns” tih chu thupui atan hman a niin  seminar hi inelna anga kalpui a ni a. District tin atangin district level intihsiakna a titha, zirlai 2 theuh, state level intihsiakna seminar ah hian an tel a ni.

Vawiina lawmman dawngtute chu - 1. Betty Lalrinfeli, Baptist HSS Serkawn, Lunglei; 2. Lalramzauvi, St Pauls’ HSS Aizawl leh 3. Lalzikpuii, St Paul’s HSS Aizawl te an ni.

State Level intihsiakna a titha te hi kumin October 9 a Nehru Science Centre, Mumbai-a neih tur, National Science Seminar-ah Mizoram aiawhin an tel dawn a. National Science Seminar a lawmman pakhatna tan thla tin scholarship Rs.1000/- kum hnih chhung leh lawmman pahnihna dawngtu mi 9 tan thla tin Rs.500/- siam a ni a; lawmman pahnihna hi Mizoram in tum hnih an lo dawng ve tawh a ni.