Vawiin khan I&PR Conference Hall-ah State Level Task Force te chu an chairman Pu Zasanga, IPS (Rtd) hovin an thukhawm.

He meeting-ah Mizorama rel kawng siamna tura Aizawl District leh Kolasib District-a hmalak dan leh thlen chin report pek a ni a. Rel kawng siam nana ram laksak turte compensation pek tawh dan leh harsatna awm te sawiho a ni. Aizawl District bikah chuan compensation pek fel tawh niin, ram pawh inhlan tawh a ni a. Kolasib District-ah chuan Bairabi, Hortoki leh Kawnpui-ah te compensation pekchhuah tawh niin, Khamrang a pekchhuah tur chu Railway Authority atang sum la hmuh anih loh avangin pekchhuah a la nilo a. Mualkhangah pawh SBI kaltlanga pekchhuah tawh niin, compensation phut dan dik tawk loh avangin chhungkaw 14 te chu an dilna hnawlsak an ni. Tuna mu tan mek pakhat Kolasib district a thlanmual sawn chungchangah pawh chak zawka hmalak dan ngaihtuah nise an ti a. Heng bakah hian rel kawngsiamnana chak zawka hma lak anih theih dan tur te sawiho a ni.

He Meeting-ah hian Railway Authority Engineer te, P&E Dept., PHE Dept., Transport Dept. PWD aiawh te bakah, Pu Rosiama Vanchhawng, Addl. PCCF leh Pu R. Thansanga, ex-minister te an tel a ni.