Ni thum awh State Level Training on Anti-Human Trafficking ni 7 September, 2011 atanga Arya Mess Police Headquarters a neih chu vawiin chawhnu dar 2:30 khan kharna hun hmang a ni.

Training kharna hun ah hian Pu L. Hrangnawn, IPS, IGP Mizoram chu khuallian niin kharna hun a hmanpui a, participants mi 46 hnenah certificate hlan na a nei. He training ah hian District hrang hrang atangin Police Officer an tel kim hle a, NGO atangin mi thahnem tak an tel bawk. Training ah hian Chairperson Women Commission te, Central YMA aiawh te, Community Health Action Net Work (CHAN) te leh MHIP General Headquarters aiawh te an tel a ni. Mizoram Human Trafficking dona kawngah mithiam te zirtirna an dawn chu hlawkthlak an ti hle. Participants te hi an mahni awmna District theuh ah Human Trafficking dona kawnga training pe chhunzawm thei tura zirtirna pek an ni. SP, CID (Crime), State Nodal Office (AHT) te Police leh NGO ten Human Trafficking dona kawnga thawhhona tha neih a pawimawhzia an zir chhuak a ni.