Vawiin chawhnu ah khan Rural Development Minister Pu R. Lalzirliana kaihhruaina hnuaiah State Level Vigilance & Monitoring Committee (SLVMC) meeting neih a ni a. He hunah hian Parliamentary Secretary Lt.Col. Z.S. Zuala, Er.Lalrinawma, MLA, Secretaries, Deputy Commissioners leh Sawrkar mi pawimawh te an tel a.
SLVMC Meeting ah hian Rural Development Ministry hnuaia Scheme hrang hrang sawrkar in a thawh dan leh hmachhawp te enchian leh sawiho a ni. October 15, 2014 a SLVMC in thutlukna a siam tawh bawhzui in Department 4 – Soil, Fisheries, Sericulture leh Horticulture ah te Convergence of MGNREGA kalpui a ni tawh a. Financial Year 2014-15 ah Convergence of MGNREGA hi lian zawka kalpui tum a ni.
February 17, 2015 thleng khan Financial Year 2014-15 chhunga NREGS hnuaia State in sum a hmuh tawh zat chu Rs.10,166.712 Lakh a ni a. He Financial Year chhung vek hian Mizoram ah chawhrual in NREGS hnuaiah ni 21 chhung chhungkaw 1,85,929/- tan inhlawhna siam a ni. Hei hi Mizoram in Labour Budget anga a hmuh tur ni 42 aiin a let in a tlem a. Hna thawh theih ni zat tih tlem a nihna chhan hi Ministry of Rural Development allocation chu 46% laia tih tlem a nih vang ni in Rural Development Department hotute chuan an sawi a ni. Ministry of Rural Development atanga thuphek an hmuh angin Financial Year 2014-15 chhung hian MGNREGA sum state in a hmuh tur atanga 60% aia tlem lo chu Mizoram sawrkar pawh in Agriculture leh a kaihhnawih hmalakna atan a hmang dawn a ni.
Mizoram ah Financial Year 2014-15 chhungin IAY hnuaiah chenna-in 1293 sak tum a ni a, tunah hian chenna-in 580 chu Ist installment Rs.480.838 lakh hmuh tawh atangin sak mek a ni. Hnathawh tan har a nih chhan hi IAY fund central sawrkar in 11.7.14 release order a chhuah tawh chu State Finance department in 4.12.14 ah a release theih chauh vang a ni RD official te chuan an ti.
Kum in January thla thlenga PMGSY hnuaia hmalak dan tarlan a ni a. Kawng siam tur 217 sanctioned zinga kawng 184 siam zawh tawh niin heng kawng siam zawh tak sei zawng hi 2307.70Km a ni. Kawng siam nan hian PMGSY hnuaiah January 31, 2015 thleng khan Rs.4384.56 lakhs hman a ni tawh a ni
January, 2015 thleng a chhinchhiah a nih dan chuan IWMP hnuaia hmalakna tur sum Rs.7581/- lakh hi Expenditure Sanction hmuh tlai anih avangin hman a la ni lova.
SAANSAD ADARSH GRAM YOJANA- Prime Minister Office in MP leh MLA te tana model village siam a rawtna chungchanga hmalakna,MzSLRM, NSAP, SIRD, leh Ministry of Rural Development hnuaia hmalakna thenkhat chungchang te pawh SLVMC ah hian sawiho a ni.
