Vawiin khan Lawngtlai DC Conference Hall-ah District Level NLUP Implementing Committee Chairman Pu J. Hmingthanmawia, MCS hovin District Level NLUP Revitalisation Programme hman dan tur an rel.

NLUP Implementing Board (NIB) in a rel tawh angin tun thla March ni 11 hian Mizoram District khawpui tinah leh hmun pawimawh dangah NLUP Revitalisation Programme neih tur a ni a, Lawngtlai District chhungah pawh Lawngtlai khawpuiah leh Chawngte ah he hun hi hman tur a ni.

Lawngtlaia hmanna hmun atan hian Central YLA hall nise tih a ni a, khuallian atan hian NIB lamin ruahmanna an siam anga kalpui tur a ni ang. He hunah hian khawpui chhunga NLUP tanpuina dawngtu zawng zawngte leh khawtlang hruaitu, Senior Citizen leh mi pawimawh dangte sawm nise an ti bawk.

Chawngte-ah pawh he mi ni vek hian Chawngte Town Hall-ah neih tura ruahmanna siam a ni a, a hman dan tur kim chang zawk ngaihtuaha a tul anga hma la turin Chawngteah hian a rang lamin Officer pawimawh engemawzat kal se an ti bawk.

Attachment

  • Loading attachment...