Mizorama sorkar laipui bultum hmasawnna scheme leh programme hrang hrang kalpui mekte ennawn leh thlithlaia, an thlen tawh chin leh harsatna tawhte sawiho tura State Level Vigilance & Monitoring Committee din chu vawiin khan an Chairman Rural Development Minister Pu R.Lalzirliana hovin Secretariat Conference Hall-ah an thukhawm. Kumin atan an thutkhawm hmasa berah hian kum 2008-2009 chhunga thingtlang tihhmasawnna tura scheme hrang hrang NREGS, IAY, IWDP, SGSY, Special Projects, DRDA ADMN, PMGSY leh CRSP hmalak dan chipchiar takin an thlir a ni.
Ni 100 inhlawhna tia hriat NREGS bikah chuan kum kal ta chhung khan chhungkua 2,19,757 ni 100 inhlawhna tur Rs.44,051.91 lakhs dil a nih laiin chhungkua 1,40,271 tan Rs.156,27.90 lakhs chauh hmuh a ni a. Heti chung hian Saiha, Lawngtlai, Lunglei leh Champhai district-ah te chuan ni 100 inhlawhna hi puitlin a ni. Mizoram district 8-ah chhungkua 1,72,775 hnenah Job Card pek a ni a, hna 3114 zingah 2181 chu thawh zawh fel a ni a, 933 chu thawh chhunzawm tura dah mek a ni.
Mi rethei insakna tur IAY hnuaiah inthar sak 3151 leh in thawmthat 2028 niin ram puma IAY thawktha zingah Mizoram chu a tel phak a ni. IAY hnuaia in thar sakna tur chhungkaw khat tan Rs.27,500/- chu Rs.38,500/- ah tihpun a ni a, inthawmthatna Rs.12,500/- pawh Rs.15,000/- ah 1 April,2008 atang khan tihpun an ni.
Kum 2000 atanga tan IWDP hnuaiah hna kal lai mek 52 a awm a, hemi hnuaiah hian leichunglang hang tha humhalh te, thingphun leh phul enkawl, horticulture, leilet siam leh inkalpawhna link-road siam hna thawh an ni.
Mirethei BPL chhungkua dawmkanna tur SGSY hnuaiah Self-Help Group 2073 din tawh niin Subsidy leh Bank loan pek an ni a. Bank loan punna rate 12% chu sang lutuk niin hemi chungchang hi vawiin meeting-ah hian sawiho a ni.
SGSY Special Project hnuaiah hian Lunglei-ah vawkvulhna; Lai, Mara leh Chakma Disctrict Council huam chhungah thingtheihmu chin leh CTI, Sesawng-ah Horticulture & Watershed Development hna te kalpui mek an ni bawk.
Kum 2000-2001 atanga bul tan PMGSY chu Phase VII-na a thleng tawh a. Phase VII hnuaiah hian kawng 39 siam tur a ni a, hemi atan hian Rs.18136.84 lakhs sanction tawh a ni. 435.44 Km-a thui laih tur hian kawng laih, culvert, retaining wall leh pavement siam te a huam vek a, hemi hna hi tunah tender mek niin thla 3 chhungin hna thawk tan tura beisei a ni.
Central Rural Sanitation Programme (CSRP) chu PHE Department hnuaia dahin 2003-2004 khan bultan a ni a. he programme hnuaiah hian March 2009 thleng khan BPL chhungkua 54481 tan Ek in sak a ni tawh a, School Inthiarna (Toilet) 3219, Anganwadi (Inthiarna) Toilet 873 leh Sanitary Complex 274 sak zawhfel an ni tawh a ni.
Vawiin meeting-ah hian member an kal tha hle a. MP (LS) Pu C.L.Ruala, Parliamentary Secretary Pu Lalrinmawia Ralte, Pu Lalduhawma MLA te an tel a. Sawm an nih angin District tin D.C. leh DRDA Project Director zawng zawng an tel bawk a ni.
Mi rethei insakna tur IAY hnuaiah inthar sak 3151 leh in thawmthat 2028 niin ram puma IAY thawktha zingah Mizoram chu a tel phak a ni. IAY hnuaia in thar sakna tur chhungkaw khat tan Rs.27,500/- chu Rs.38,500/- ah tihpun a ni a, inthawmthatna Rs.12,500/- pawh Rs.15,000/- ah 1 April,2008 atang khan tihpun an ni.
Kum 2000 atanga tan IWDP hnuaiah hna kal lai mek 52 a awm a, hemi hnuaiah hian leichunglang hang tha humhalh te, thingphun leh phul enkawl, horticulture, leilet siam leh inkalpawhna link-road siam hna thawh an ni.
Mirethei BPL chhungkua dawmkanna tur SGSY hnuaiah Self-Help Group 2073 din tawh niin Subsidy leh Bank loan pek an ni a. Bank loan punna rate 12% chu sang lutuk niin hemi chungchang hi vawiin meeting-ah hian sawiho a ni.
SGSY Special Project hnuaiah hian Lunglei-ah vawkvulhna; Lai, Mara leh Chakma Disctrict Council huam chhungah thingtheihmu chin leh CTI, Sesawng-ah Horticulture & Watershed Development hna te kalpui mek an ni bawk.
Kum 2000-2001 atanga bul tan PMGSY chu Phase VII-na a thleng tawh a. Phase VII hnuaiah hian kawng 39 siam tur a ni a, hemi atan hian Rs.18136.84 lakhs sanction tawh a ni. 435.44 Km-a thui laih tur hian kawng laih, culvert, retaining wall leh pavement siam te a huam vek a, hemi hna hi tunah tender mek niin thla 3 chhungin hna thawk tan tura beisei a ni.
Central Rural Sanitation Programme (CSRP) chu PHE Department hnuaia dahin 2003-2004 khan bultan a ni a. he programme hnuaiah hian March 2009 thleng khan BPL chhungkua 54481 tan Ek in sak a ni tawh a, School Inthiarna (Toilet) 3219, Anganwadi (Inthiarna) Toilet 873 leh Sanitary Complex 274 sak zawhfel an ni tawh a ni.
Vawiin meeting-ah hian member an kal tha hle a. MP (LS) Pu C.L.Ruala, Parliamentary Secretary Pu Lalrinmawia Ralte, Pu Lalduhawma MLA te an tel a. Sawm an nih angin District tin D.C. leh DRDA Project Director zawng zawng an tel bawk a ni.
