Vawiin hian Pachhunga University College Auditorium, College Vengah International Biodiversity Day 2010 hman a ni a, Environment & Forests Minister leh Chairman, Mizoram Biodiversity Board Pu H. Rohluna chuan Chief Guest niin a hmanpui.
International Biodiversity Day 2010 hmanna ah hian Pachhunga University College leh Govt. Zirtiri Residential Science College atangte in zirtirtu leh zirlai te an kal khawm a, PHE E-in-C Pu Pawan Kumar leh Soil & Water Conservation Director Dr. Jerome Rokima te an tel bawk. Mizoram Biodiversity Board-a Member Secretary, Pu LR Thanga, Chief Wildlife Warden chu Chairman a ni a, kumina Biodiversity Day thupui "Biodiversity, Development and Poverty Alleviation" tih a sawi hawng nghal. Biodiversity Day hmanna-ah hian Dr. Tawnenga, Principal PUC chuan biodiversity chungchang Short Speech sawiin Pu HT Lalremsanga, Asst. Professor, Dept. of Zoology, Mizoram University chuan "Reptile Diversity in Mizoram" tih presentation a pe a, Pu N.S.Bisht, Chief Conservator of Forests in Vote of Thanks a sawi bawk.
Chief Guest Pu H. Rohluna chuan Biodiversity awmzia leh a hlutna, mihringte tana engkim hnar a nihzia leh damkhawchhuahna, a lova awm theih loh a nih thu a sawi a. Nungcha chi hrang hrangte leh thlai hrang hrangte hi inzawm tlat an ni a ti. Ramngaw tih chereu hi sim a hun tawh a, ngaw tha kan nei tlem tawh a, ram hmasawnna atana hmalakna reng rengah pawh ramngaw ti chhe tlem thei ang bera ruahmanna siam a pawimawh a ni a ti bawk. Ram changkang zawkah chuan thing leh nungchate humhalhin awmze nei takin sum hnarah an hmang a, thing leh mau, hnim leh ramhmul atanga siamchhuah hmanraw hrang hrang leh damdawite an hlawkpui em em a ni tiin a sawi a. Mizoramah pawh mithiam kan ngah ve tawh a, kan ramngaw hlutna hrang hrangte hai chhuak turin mithiam ten tan lak a tul tawh a ni a ti a. Eco-tourism atanga sum kan hailuh that theih nan kan biodiversity tha taka kan humhalh a tul a, biodiversity hmanga hmasawnna kan neih tam poh leh kan ram chhunga mirethei zawkten kan chhawrin kan tangkaipui nasa dawn a ni a ti bawk a ni.
International Biodiversity Day hi kum tinin May ni 22 ah hian hman a ni thin a, hemi ni hi biodiversity humhalhna kawnga hma thar lak nan leh biodiversity hausakna hman tangkaina lam inzirtir nan hman a ni thin. United Nations General Assembly chuan chu mai chu duh tawk lovin kumin 2010 hi International Year of Biodiversity-ah a puang nghe nghe a. Mizoramah pawh International Year of Biodiversity 2010 pual hian High School zirlaite tan painting Competition buatsaih a ni a, chumi result chu vawiin hian puan nghal a ni a, result chu hetiang hi a ni:
1st: Zoremsanga Cl IX Govt. Champhai H/S
2nd: James L. Ralsun Cl X Govt. Diakkawn H/S, Kolasib.
3rd: Jerry Lalrinliana CM H/S, Kolasib.
Consolation Prize:
1. Thangliansona Cl X Govt. Diakkawn H/S, Kolasib.
2. Vanlalnghaka Cl X Electric Veng H/S, Lunglei.
3. K.Lalhmangaihzuali Cl X St. Paul's HSS, Aizawl.
4. Vanngurpuia Cl X Govt. Champhai H/S.
5. TC Lalngaihawma Cl X Govt. Kolasib H/S.
Chief Guest Pu H. Rohluna chuan Biodiversity awmzia leh a hlutna, mihringte tana engkim hnar a nihzia leh damkhawchhuahna, a lova awm theih loh a nih thu a sawi a. Nungcha chi hrang hrangte leh thlai hrang hrangte hi inzawm tlat an ni a ti. Ramngaw tih chereu hi sim a hun tawh a, ngaw tha kan nei tlem tawh a, ram hmasawnna atana hmalakna reng rengah pawh ramngaw ti chhe tlem thei ang bera ruahmanna siam a pawimawh a ni a ti bawk. Ram changkang zawkah chuan thing leh nungchate humhalhin awmze nei takin sum hnarah an hmang a, thing leh mau, hnim leh ramhmul atanga siamchhuah hmanraw hrang hrang leh damdawite an hlawkpui em em a ni tiin a sawi a. Mizoramah pawh mithiam kan ngah ve tawh a, kan ramngaw hlutna hrang hrangte hai chhuak turin mithiam ten tan lak a tul tawh a ni a ti a. Eco-tourism atanga sum kan hailuh that theih nan kan biodiversity tha taka kan humhalh a tul a, biodiversity hmanga hmasawnna kan neih tam poh leh kan ram chhunga mirethei zawkten kan chhawrin kan tangkaipui nasa dawn a ni a ti bawk a ni.
International Biodiversity Day hi kum tinin May ni 22 ah hian hman a ni thin a, hemi ni hi biodiversity humhalhna kawnga hma thar lak nan leh biodiversity hausakna hman tangkaina lam inzirtir nan hman a ni thin. United Nations General Assembly chuan chu mai chu duh tawk lovin kumin 2010 hi International Year of Biodiversity-ah a puang nghe nghe a. Mizoramah pawh International Year of Biodiversity 2010 pual hian High School zirlaite tan painting Competition buatsaih a ni a, chumi result chu vawiin hian puan nghal a ni a, result chu hetiang hi a ni:
1st: Zoremsanga Cl IX Govt. Champhai H/S
2nd: James L. Ralsun Cl X Govt. Diakkawn H/S, Kolasib.
3rd: Jerry Lalrinliana CM H/S, Kolasib.
Consolation Prize:
1. Thangliansona Cl X Govt. Diakkawn H/S, Kolasib.
2. Vanlalnghaka Cl X Electric Veng H/S, Lunglei.
3. K.Lalhmangaihzuali Cl X St. Paul's HSS, Aizawl.
4. Vanngurpuia Cl X Govt. Champhai H/S.
5. TC Lalngaihawma Cl X Govt. Kolasib H/S.
