Vawiin zing khan International Biodiversity Day (22nd May) leh International Migratory Bird Bay (23rd May) denchhenin ASEP leh Wildlife Division, Aizawl tangkawp chuan Zirlai naupangte nen Bird's Conservation Rally neiin ASEP Office, Upper Khatla atanga Millenium Centre thleng kawng zawh a ni.
Kawngzawh kharna inkhawm Millenium Centre kawta neih chu ASEP Vice President Pu Hmingthansanga chuan kaihruaiin, Pu C. Lalengliana, IFS chuan zirlaite tana nungchate humhalhna kawnga fuihna thu a sawi a, "Zirlaite hi nakin lawka kan ram enkawltu turte in la nih dawn avangin kan ramin kan mamawh em em ramngaw leh nungcha humhalhna kawngah hian theihtawp in chhuah a tul tak meuh meuh a ni," a ti.
Zirlai naupang kalkhawmte chuan ramngaw leh nungcha humhalhna kawnga thahnemngai taka ke pen zelna tura auhla (slogan) hrang hrang hmanga aurualna hun hmangin Zirlai 300 rual zet an kalkhawm a. He rally ah hian Solomon's High School leh Tiny Tots School zirlaite an tel a ni.
He kawngzawh hi Zorama kan sava hlu tak takte nasa zawka kan humhalh theihna tur leh savate an no neih hun laia tih hlum a that lohzia lantirna tur atana buatsaih a ni a. Savate hi kan hmuh theih hnaivaia rawn inlar tam ber an nih avangin a humhalhtu ni theuh turin ASEP chuan Zoram mipuite a ngen a ni.
Zirlai naupang kalkhawmte chuan ramngaw leh nungcha humhalhna kawnga thahnemngai taka ke pen zelna tura auhla (slogan) hrang hrang hmanga aurualna hun hmangin Zirlai 300 rual zet an kalkhawm a. He rally ah hian Solomon's High School leh Tiny Tots School zirlaite an tel a ni.
He kawngzawh hi Zorama kan sava hlu tak takte nasa zawka kan humhalh theihna tur leh savate an no neih hun laia tih hlum a that lohzia lantirna tur atana buatsaih a ni a. Savate hi kan hmuh theih hnaivaia rawn inlar tam ber an nih avangin a humhalhtu ni theuh turin ASEP chuan Zoram mipuite a ngen a ni.
