Vawiin chawhnu khan secretariat conference hall ah kum 2013-14 chhunga thingtlang tih hmasawnna atana sawrkar hmalakna hrang hrang te leh kum 2014-15 chhunga hnathawh chhunzawm dan tur te sawihona neiin State pum huap committee sangber, State Level Vigilance & Monitoring Committee chu Rural Development Minister Pu R.Lalzirliana kaihruai in an thukhawm a. He hunah hian kum 2013-14 chhunga MNREGA, IAY, DRDA, IWMP, SIRD, Rural Development Department hnuaia National Social assistance programme(NSAP), PMGSY, NRLM, Central rural sanitation programme(CRSP)/ Nirman bharat Abhyan(NBA), NRDWP,RGGVY leh SCA to TSP hnuaia Mizoram a district 8 te sum hman te leh an hnathawh te bih chian a ni a. Kum 2014-15 chhunga Heng scheme hrang hrang te kalpui chhoh dan tur sawi ho a ni bawk. Meeting ah hian Pu C.L.Ruala, MP(Lok Sabha), PHED Minister Pu Zodintluanga, SWD Minister Pu P.C. Lalthanliana, Pu K.Sangthuama, MLA, Pu Chalrosanga, MLA, Er. Lalrinawma, MLA, Rural Development Secretary Pu Lalrinliana Fanai leh Secretary dang te bakah District Bawrhsap-te leh Sawrkar department hotulu-te an tel a. CYMA leh MHIP hotute te pawh NGO aiawh in an tel a ni.

Meeting kaihruaitu Rural Development Minister Pu R.Lalzirliana chuan Rural Development kaltlanga thingtlang ti hmasawnna scheme hrang hrang ah te State sawrkar zawng zawngte sum dawn thin a kum dang aiin danglam hret dawna. Hei hi Central sawrkar in Rural Development budget a her danglam vang a ni a, MNREGA phei chu 40% a tihhniam a nih avang in ni 100 inhlawh na thin ah khan Ni 40 aia tam inhlawhna siam chu a theihloh tluk a ni tawh a ni a ti. Ministry Of Rural Development in kum 2014-15, ‘year of convergence’ ah a puan tak avangin State pawh in hemi zulzuia hmala turin hriat tir a ni a. Mizoram pawhin Department 4 : sericulture Department, Soil&Water Conservation Department, Fisheries Department leh Horticulture Department ah te convergence scheme kalpui turin hriatirna a pe tawh a ni a ti. MNREGA hnathawh na tur state in sum atanga 60% chu Agriculture leh a kaihhnawih hmalakna ah te hman turin state sawrkar chu Ministry of Rural Development in a hriattir thu a sawi a. MNREGA hnuaia hmalakna ah Central Sawrkar thurawn angin kawnglaih a theih anga tih tlem tum a ni a, mimal leh vantlang tana rootling hna thawh tum a ni a ti.

MNREGA project 2015-16 chhunga hmalakna tur Rural Development in a duang a. Land development ah kuthlak tam ber tum ni in 40% dah a ni a, rural drinking ah 10 %, rural connectivity ah 10%, Fisheries ah 10%, water conservation ah 10%, renovation of traditional water bodies ah 10% leh rural sanitation ah 5% ted ah niin in abang te hi hmalakna chiding ah sem sawm a ni. MNREGA ah hian 60:40 ratio in wages leh material component ah then in hna thawh chhunzawm a ni dawn a ni.

MNREGA hnuaiah ni 100 inhlawh district 8 te kalpui dan tarlan a ni a : Aizawl district – ni 80, Champhai District – 85, Kolasib-71, Lawngtlai – 72, lunglei – 78, mamit – 84, Saiha – 79 leh Serchhip – 81 te an ni. District te thawh zat hi project an siam dan in a hril thu tarlan a ni. Kum 2013-14 chhung in MNREGA ah Mizoram in Central Sawrkar atangin Rs.24,474.27 a hmu a, State matching share atan Rs.1194.96 lakhs a thawh vet hung a ni. IAY hnuaiah kum 2013-14 chhung khan chenna in 3690 chu Rs 2855.5765 lakhs senga sak zawh a ni a. Heng bakah hian Rural Development kaltlanga hmalakna hrang hrang a sum sen tawh leh hlawhtlinna bakah hmachhawp te thlir hova, Guidline bawhchhe silova awmze nei zawka hmalak dan tur sawiho a ni.