Vawiin khan ATI buatsaihin State Level Workshop on Right to Information Act 2005 ATI Auditorium ah neih a ni. Pu Lal Dingliana, IFS (Rtd) Chief Information Commissioner in he Workshop hi a hmanpui. He Workshop ah hian Department hrang hrang a Appellate Authority, SPIO, SAPIO, tlawmngai pawlte leh chanchinbu mite an tel a.

Hawnna inkhawm ah chuan Pu Lal Dingliana, IFS chuan RTI Act-2005 awmzia leh India rama hman tan a nih dan kalkhawm te a hrilhfiah a. Mipui thlan sorkar dinna ram tam takah sorkar kalphung mipuiten an hriat a, an tawmpui ve theih nan he dan hi siam a ni tiin khawvel ram hrang hrang 90-ah hman mek a ni a. RTI chu khua leh tui ten an aiawh an thlan tlin te leh sorkar hnathawk ten eiruk leh thuneihna hman khawloh kawnga an venpui theihna hmanrua, thil hriatchian duh an neih apiang an hriat theihna dan a ni, a ti. Information & Public Relations (I&PR) Department nen tangkawpin RTI Week chu 2011 atang khan Aizawl khawpuiah leh District khawpuiah te hman thin a ni a. CIC chuan lo kal khawmte chu kan zavaiin he Act hi kan zira kan hriatchiang a tul a ni tiin kan information pekchhuah ah kan fimkhur a ngai a ni a ti bawk.

Hawnna inkhawm hi Pu Ashutosh Kumar, Director, ATI in a kaihruai a; Pi Ramdinliani, Jt Director, ATI leh Pu Vanlalvuana, Dy Director ATI ten RTI Act 2005 chungchang inzirtirna an pe a ni.