Ni 9.10.2018 khan Mizoram KVI Board buatsaihin ni 9th-18th, Oct'2018 chhungin Skill Development Training  Centre, Chanmari-I Lunglei ah State Level PMEGP Exhibition hawnna hun hman ani. Dr. Peter Malsawmtluanga, SDC chu khuallian niin Exhibition hi a hawng.

State Level PMEGP Exhibition hawnna inkhawm hi Pu Kaisangzuala, Chief Executive Officer, Mizoram KVI Board in kaihruaiin Dr. Peter Malsawmtluanga chuan PMEGP hmanga Mizo thil siam chhuah pholanna leh hralhna hun Mizoram KVI Board in a a buatsaih avangin lawmawm a ti a. Enterprenuer te chu midang te entawn tlak a thil siamtu ni a, eizawnna kawnga hmalatu leh product tha tak tak siama Mizoram sum leh pai dehchhuahna ah tangkai tak ni theuh turin a chah a ni.

Pu Zaithanmawia , Dy.CEO in State Level PMEGP Exhibition neih chhan sawiin Pu Mahatma Gandhi piancham 150 na denchhen buatsaih anih thu a sawi a, Pu Gandhia hian tual tah puan leh mahni ram ngeiin tharchhuah hi a ngaipawimawh hle ani. PMEGP hi khawpui chhungah chuan District Industry Centre in an kalpuia, thingtlang ah chuan KVIC leh KVI Board in an kalpui ve thung ani. PMEGP loan sem ah hian Mizoram a Bank zawng zawngte an thawhpui vek thu a sawi.

Exhibition ah hian stall 32 awmin Florist Association pawhin pangpar pho chhuahna an nei.

Pi Lalnuntluangi,Executive Officer, Mizoram KVI Board in lawmthu sawina a nei bawk.