Vawiin khan PCCF Conference Hall, Tuikhuahtlang Aizawl-ah Mizoram State of Environment Report (SoER)-2016 chungchangah meeting pawimawh neih a ni.

Mizoram State of Environment Report(SoER) -2016 hi North Eartern Hills University (NEHU) Shillong  hnuaia Dr OP Singh leh a Team ten an buatsaih mek a. He Report siamna atan hian cheng 29,95000/- (Nuai sawmhnih pakua,singkua leh sang nga) pek an ni. Tunah hian a hmawr bawkna neih tan mek niin vawiin meeting-ah hian line department hrang hrang - AH&Vety, Health, PWD, PHE, Agriculture, Disaster Management & Rehabilitation, Industries, Geology leh Mizoram Pollution Control Board (MPCB) atanga tel officer ten an chanpual department  kaihhnawih thil, he Draft  SoER -2016-in a tarlante zirchianna an neih a ni.

Vawiin meeting hian SoER-2016 NEHU-in a buatsaih mek chu tha thawkhatin an hria a. Amaherawh chu line department tin ten an department kaihhnawih  report diklo leh kimlo emaw, update tawhlo te uluk zawka enfiah a, tihdik ngailaite tidika titha leh turin thuthlukna siam a ni a. Mizo hming (local name) spelling dik tawklo a tarlante pawh ennawn turin a buatsaihtu NEHU lam mite pawh hriattir an ni.

He meeting hi Pu Rosiama Vanchhawng, PCCF(Wildlife) Mizoram chuan a kaihhruai a. Ministry of Environment, Forests & Climate Change, Govt of India atangin Dr.Salauddin, Director chuan a rawn telpui bawk. Meeting Chairman  Pu Rosiama Vanchhong chuan SoER-2016 chu Mizoram tana Report pawimawh, scheme leh project planning atana tangkai tur a nih avangin, state department hrang hrang ten data rintlak leh update an pekchhuah a pawimawh thu leh he Report siamtu NEHU pawhin uluk taka he Report hi a buatsaih a tul thu a sawi a ni.