Ni li awh tur State Planning Board Monitoring and Surveillance Committee meeting chu Planning department committee room-ah vawiin atang neih tan a ni a. Mizoram State Planning Board Vice Chairman Pu H.Rammawi chuan he meeting hi kaihruaiin Mizoram sawrkar hnuaia department hrang hrang te a mal mala kovin department tin in Socio-Economic Development Policy (SEDP) leh Centrally Sponsored Schemes (CSS) hnuaia hma an lakna chi hrang hrang chipchiar taka sawipui an ni.

State Planning Board Monitoring and Surveillance Committee member Pu Liansuama, Pu N. Zokunga, Pu Lalthansanga te bakah Planning Department Principal Adviser Pu Lalrikhuma Sailo leh officer dangte he meeting-ah hian an tel a, vawiinah hian Agriculture, Animal Husbandry & Veterinary Department (AH&Vety.), Commerce & Industries leh Fisheries Department te koh an ni a, naktukah Public Works Department (PWD), Public Health Engineering Department (PHED), Urban Development and Poverty Alleviation Department (UD&PA) leh Power & Electricity Department te an kawm ang.