Vawiin khan Assembly Conference Hall-ah State Planning Board Vice-Chairman leh Parliamentary Secretary thar 7 te rinawmna thutiam tira lakluh an ni.

Lakluh inkhawm hi Chief Secretary Pi L. Tochhawng in kaihruaiin, Chief Minister Pu Lal Thanhawla’n thutiam hi lak tirin a la lut a ni.

Pu H.Liansailova chu State Planning Board Vice-Chairman atan rinawmna thu leh sorkar thuruk vawng him tura thu tiam tira lakluh a ni a. Hemi zawh hian Parliamentary Secretary te a mal mala rinawmna thu tiam leh sorkar thuruk vawng him tura thu tiam tira lakluh an ni.

Parliamentary Secretary thar 7 te hi Pu K.S. Thanga, Lt.Col. (Rtd) ZS Zuala, Pu H.Zothangliana, Pu Joseph Lalhimpuia, Pu T.T.Zothansanga, Pu K.Lalrinthanga leh Pu Hmingdailova Khiangte, IPS (Rtd) te an ni.