Vawiin khan Mizoram State Planning Board Vice Chairman Pu H.Rammawi chuan Mizoram Science Centre kum 16 tlinna chu Mizoram Science Centre, Berawtlang ah a hmanpui.

Pu H.Rammawi chuan khawvel hmun hrang hrangah Science and Technology in mihring nunah hmun pawimawh a luah mek a, mihring khawsak phung  te pawh a thlak zel a, heng ang chiah hian Mizoram ah pawh Science and Technology hmasawnna hian mi  hnuaihnung ber te a thleng phak tur a ni a ti a. Khawvel hriata Mizoram a than theih na tur pawh Science and Technology hi a ni tiin, sawrkar pawhin helam kawnga hmasawnna turin theih tawp a chhuah tur thu a sawi a. Mizoram Science Centre chu changtlung zawka siam zel tum a ni a ti.

Mizoram Science Centre kum 16 tlin lawmna hi Dr. RK Lallianthanga, Chief Scientific Officer  & Member Secretary, Mizoram Science Centre chuan a kaihruai a, he centre ah hian Innovation Hub leh Space Education Centre te hawn anih tawh bakah zirlai leh mipui ten kartluanin an tlawh theih thu a sawi a ni.