Vawiin khan Directorate of School Education Conference Hall-ah Quality Education chungchang ngaihtuahtu pawimawh tak State Resource Group (SRG) chu Pu K. Riachho IAS, Secretary School Education Department hovin an thukhawm.
He meeting hi Pu K. Riachho an kaihruaiin Pu V. Lalsiamthara, Addl. State Project Director, SSA Mission, Mizoram chuan agenda sawizauna hun a hmang a. Meeting ah hian Zirna tha zawk (Quality Education) Mizo naupangten an neih theihna tur atana thil pawimawh tak tak sawiho a ni a. Chung zingah chuan Mizoram-in Quality Education atana a hmathlir (vision) chi hrang hrang te, zirtirtu te, nu leh pa leh khawtlangin an tih tura beisei te, zirtirtu training-na hmanrua te leh zirtirtu in naupang a zirtirna a hman tur (Teacher Resource Book) siam dan turte rel a ni.