Lunglei District High Powered Committee Vice Chairman Pu Joseph Lalhimpuia chuan nimin khan Tlabung khua tlawhin khawpui chhung kawng zauh dan tur a hmunah a enpui.
HPC Vice Chairman chuan khawpui lo thang zel tur atan Lunglei, Hnahthial leh Tlabung khawpui chhung kawng zauh hna thawh a nih theih nan HPC chuan ruahmanna a siam a, khawtlang mipuite inphal dan ang zelin Tlabung khawchhung kawngpui pawh zauh hna thawh tum a ni a ti. Kawngpui zauh dan tur hi a hmunah department hotute leh Tlabung khawtlang hruaitute nen an en hova. Mizorama Post Office hmasaber 1875 kuma British hovin an lo din tawh tun thlenga sorkar-in a hman zui tak pawh an tlawh bawk.
Pu Joseph Lalhimpuia hian Tlabunga tlawmngai pawl hrang hrangte nen inkawmna hun an neihah thu sawiin, Indo-Bangla Border Trade tih puitlin ngei anih theih nan Pu Lal Thanhawla kaihhruai sorkar chuan chak takin hma a la a ni a ti a, Chief Minister ngei pawhin Bangladesh Prime Minister leh mi pawimawh hrang hrangte a sawipui tawh mai bakah chak takin a bawhzui a, hemi atan hian sum pawh Vaibelchhe 27 ruahmanna siam niin, sorkar laipui ah thlen mek a ni a ti bawk. Hei bakah hian Lunglei to Tlabung Road chu Mizorama kawngpui chhuak hmasa ber a nih thu sawiin, helai kawng hi Double Lane a siam anih theih nan sorkar chuan ruahmanna a kalpui mek a ni a ti a. Tlabung khua chu Mizoram a hmun pawimawh tak anih avangin sorkar hmun pawimawh tak a ni chho zel dawn a, mipuite chu sorkar-in ruahmanna a siamna turah theih tawpa tanpui tura sawmin thil tha tak tak nei mah ila, neitu nihna thinlung kan put lova, a hlawhtlinna tura theih tawp kan chhuah loh chuan awmzia a nei lo ang, a ti a. Khawtlang hruaitute hian an khawtlang hmasawnna tura sorkar-in ruahmanna a siam chungchangah ngaihdan hrang hrang an neihte leh an khawtlang mamawhte HPC Vice Chairman hnenah hian an thlen bawk a ni.
HPC Vice Chairman hian Tlabunga huna hman zawhin nimin tlailam khan Lungsen khuaa puantahna hmunpui siamna tur hmunhma te tlawh nghalin, khawtlang hruaitute leh party hruaitute nen inkawmna hun an hmang bawk a. Lungsen chu puantaha eizawnna hmun leh Agarbati stick siamna hmun pakhat atan ruahman tum anih thu Lungsen khawtlang hruaitute hian an hrilh a ni.
Pu Joseph Lalhimpuia hian Tlabunga tlawmngai pawl hrang hrangte nen inkawmna hun an neihah thu sawiin, Indo-Bangla Border Trade tih puitlin ngei anih theih nan Pu Lal Thanhawla kaihhruai sorkar chuan chak takin hma a la a ni a ti a, Chief Minister ngei pawhin Bangladesh Prime Minister leh mi pawimawh hrang hrangte a sawipui tawh mai bakah chak takin a bawhzui a, hemi atan hian sum pawh Vaibelchhe 27 ruahmanna siam niin, sorkar laipui ah thlen mek a ni a ti bawk. Hei bakah hian Lunglei to Tlabung Road chu Mizorama kawngpui chhuak hmasa ber a nih thu sawiin, helai kawng hi Double Lane a siam anih theih nan sorkar chuan ruahmanna a kalpui mek a ni a ti a. Tlabung khua chu Mizoram a hmun pawimawh tak anih avangin sorkar hmun pawimawh tak a ni chho zel dawn a, mipuite chu sorkar-in ruahmanna a siamna turah theih tawpa tanpui tura sawmin thil tha tak tak nei mah ila, neitu nihna thinlung kan put lova, a hlawhtlinna tura theih tawp kan chhuah loh chuan awmzia a nei lo ang, a ti a. Khawtlang hruaitute hian an khawtlang hmasawnna tura sorkar-in ruahmanna a siam chungchangah ngaihdan hrang hrang an neihte leh an khawtlang mamawhte HPC Vice Chairman hnenah hian an thlen bawk a ni.
HPC Vice Chairman hian Tlabunga huna hman zawhin nimin tlailam khan Lungsen khuaa puantahna hmunpui siamna tur hmunhma te tlawh nghalin, khawtlang hruaitute leh party hruaitute nen inkawmna hun an hmang bawk a. Lungsen chu puantaha eizawnna hmun leh Agarbati stick siamna hmun pakhat atan ruahman tum anih thu Lungsen khawtlang hruaitute hian an hrilh a ni.
