India Republic Day champha vawi 60-na chu vawiin hian Luangpawl field Mamit-ah ropui taka lawm a ni a, Pu Zothankhuma IAS District Bawrhsap-in zing dar 11:00Am ah hman puanzar pawtparhin Parade Contingents 10 te hnam puanzar chibai buk a chhanglet a ni.
Thu sawiin khuallian District Bawrhsap chuan he ni lawmawm tak kan hmantheihna tura an thiamna leh theihna zawng zawng hmangtu ram hruaitu ropuite Pu Mahatma Gandhi, Pu Pandit Jawaharlal Nehru, leh Pu Netaji Subhas Chandra Bose leh hruaitu dangte vawiin niah hian kan hre rengin kan chawimawi a ni a ti a. tunah hian mithiam leh chinchang hre tak, Pu Manmohan Singh Prime Minister kaihhruaina hnuaiah khawvel sorkar dang te awh khawp in India ram chuan nasa takin hma a sawn a ni a ti. Mizoram pawhin remna leh muanna 1986 atanga neiin nasa takin hma a sawnchho mek zel a, Sorkarin mipuite hmasawnna tur ngaipawimawhin chhungtinten eizawnna ngelnghet kan neih theih nan NLUP a duang mek a, chu mi alo hlawhtlin theih na chu a dawngtu te kutah a innghat a ni tih hriain sorkar duhdan ang taka thawk theuh turin mipuite a ngen bawk. Mamit District chhunga Department hrang hrang hmasawnna tarlangin Police Department-ah SP Quarter leh O.C Quarter W. Phaileng leh Kanhmun ah sak zawh a nih thu te, SSA hnuaiah Cl-VIII zirna tur Middle School 16-ah hawn a nih thu leh an zirtirtu tur 17 lak an nih tawh thu te, SSA hnuaiah Sport Discipline hrang hrang hawn niin U-13 foodball Team phei chu Tehran-ah thawn an nih thu te a sawi. Agriculture-ah kut hnathawktute tan Power Tiller 21 leh water pump set 65 Oil Palm chi 158923 sem a nih thute sangha chi District chhungah nuai 49 sem a nih thu te, PHE hnuaiah Mamit khawpui chawm nan Lahmun lui belhchhah nan Kurung lui lak chu KTP General Conference hma a peih hman tur a ruahman a nih thu te leh DRDA hnuaiah NREGS tih kha MGNREGS tih a nih tawh thu leh hemi hnuaiah hian nuai 1847.339 dawn niin ni 80 inhlawhna siam a nih thu te a tarlang bawk a ni.
Parate Contingents 10 zingah hian pakhatna, St. Francis of Assisi School(Girl) niin pahnihna Brigter English Academy niin pathuma Go'vt Mamit High School(Girl) an ni.
Tin he ni lawmna ah hian Mamit District chhunga Sport discipline hrang hranga International Level a ti tha mi 2, National level a ti tha mi 2 leh State level a ti thate mi 34 te hnenah chawimawina Citation leh Cash Award hlan an ni a, Khuallian hian lawmman te hi a sem a ni.
Khuallian hian Mamit damdawi In tlawhin damlo 10 te hnenah thilpek a hlan bawk a ni. Chawhnu dar 1:00p.m ah sawm bik te pualin Tourist Lodge ah D.C At Home neih a ni bawk
Parate Contingents 10 zingah hian pakhatna, St. Francis of Assisi School(Girl) niin pahnihna Brigter English Academy niin pathuma Go'vt Mamit High School(Girl) an ni.
Tin he ni lawmna ah hian Mamit District chhunga Sport discipline hrang hranga International Level a ti tha mi 2, National level a ti tha mi 2 leh State level a ti thate mi 34 te hnenah chawimawina Citation leh Cash Award hlan an ni a, Khuallian hian lawmman te hi a sem a ni.
Khuallian hian Mamit damdawi In tlawhin damlo 10 te hnenah thilpek a hlan bawk a ni. Chawhnu dar 1:00p.m ah sawm bik te pualin Tourist Lodge ah D.C At Home neih a ni bawk
