No.2940/2021-2022
Aizawl, 10th November, 2021 : Vawiin khan CEO Mizoram Pu P. Jawahar, IAS kaihhruaina hnuaiah SAD Conference Hall, MINECO-ah State Level SVEEP Core Committee meeting neih a ni a. Rampum ruala Mizoramah pawh Electoral Roll Summary Revision atana beihpui thlak mek chunchangah chak zawka hmalak dan tur an sawiho.

Meeting hawnnaah CEO Mizoram Pu P. Jawahar chuan November ni 1, 2021 khan Mizoram district zawng zawngah draft electoral roll tlangzarh vek a ni tawh a, electoral roll-a hming emaw address tihdik ngaite leh nakum January ni 1, 2022-a kum 18 tling tur hming thun thar turte tan November ni 30, 2021 thleng thehluh theih a ni ang tih a sawi a. Hemi hnuah chuan claims & objections lut zawng zawngte endik leh tihfel hun chu December ni 20, 2021 thleng hman a ni leh ang a. ECI Guidelines zulzuiin senior I.A.S. officer 3-te chu Electoral Roll Observers atan ruat an ni tawh bawk a. Mizoramah chuan Final Publication of Electoral Roll hi ni 15th January, 2022 ah tlangzarh a nih tur thu a sawi.

Vawiina State Level SVEEP Core Committee thukhawm chuan electoral roll revision felfai leh dik tak neih a nih theih nana state level-a hmalak dan tur hrang hrang an sawi bakah media kaltlanga mipuite hrilhhriat kawngah tan lak a ngaih dan thu an sawi a. Mizoram-ah Online Electoral Literacy Club (ELC) hman tangkai lehzual dan tur sawiho bawk.

Attachment

  • Loading attachment...