Tunhnaia din thar, State Transport Authority (STA) thutkhawm hmasa ber chu vawiin khan Transport Minister, Pu P.C.Zoramsangliana hovin a office chamber-ah neih a ni a, inhmelhriatna leh STA mawhphurhna, a tlangpuia inhrilh hriatna a nih avangin Official member-te tel lovin, Non-official member-te chauh an tel rih a ni.
He STA thutkhawmnaah hian Minister chuan sawrkar tharin tih dan phung pangngai, tha tawk lote, a tha zawnga thlak danglam chu a thupui a ni tih sawi nawnin, STA member-te pawh Bus, Maxi Cab leh Taxi permit petu ang ngawta inngai lo turin a hrilh a. Mizoram hmasawn zelah lirthei chi hrang hrang a pun zel avangin lirthei enkawl danah mipuite harsatna thlen lo zawnga ngaihtuahna thar hman a tul thute a sawi a, Driving Licence pek dan tha leh him zawkte, road tax pek dan awlsam zawkte, kawng tichep zawnga lirthei dah leh kawng sira Workshop hawn avanga kawngpui chep tihbo dan turte, Mizoram State Transport bus service tihhmasawn dan tur leh motor lei dan fel zawk thlengin ngaihtuahna thar senga hnathawh a tul thu a sawi a ni. Minister chuan hemi kawngah hian a tul chuan dan dinglai pawh zir chian a, mamawh dan mila siam that thleng pawha kal a tul tur thu a sawi a, ram danga lirthei enkawl dante zir chiang chunga Mizorama hman ve theih turte pawh ngun taka ngaihtuah a tul thu a sawi bawk.
He STA thutkhawm hmasa berah hian non-official member atana ruat - Pu R.Vanneia, Pu RK Lianzuala, Pu Lalchanhlua leh Pi Lalawmpuii te an kal kim a. Mizorama lirthei lakluh dan, enkawl dan, chhinchhiah fel dan leh a dahna chungchangah te, Driving Licence leh lirthei kaihhnawih thil dang tam taka hna thawh dan tur a thuphungin an sawiho a ni.
He STA thutkhawm hmasa berah hian non-official member atana ruat - Pu R.Vanneia, Pu RK Lianzuala, Pu Lalchanhlua leh Pi Lalawmpuii te an kal kim a. Mizorama lirthei lakluh dan, enkawl dan, chhinchhiah fel dan leh a dahna chungchangah te, Driving Licence leh lirthei kaihhnawih thil dang tam taka hna thawh dan tur a thuphungin an sawiho a ni.
