Vawiin chawhma dar 10:00 khan D.C’s Conference Hall, Saiha-ah ‘Faina Hapta’ hawnna inkhawm neih a ni.
He Hapta hawnna inkhawm hi Pu R.Lalsangluaia, S.D.O,(S), Saiha chuan a kaihruai a, Rev CH. Chhama, Sr. Executive Secretary, E.C.M. chuan hunserh a hmang. He Hapta hawnna inkhawmah hian Khuallian Pu Rodney Lalrinawma, Deputy Commissioner, Saiha District, Saiha chuan thusawiin Faina hi Pathian kan an teuhna ber a ni, tiin kan taksa bakah kan in leh a velte vawnfai hi kan tihtur pawimawh tak a ni, a ti a, faina kawngah inzirtirna kan neih tam a pawimawhzia thu sawiin he faina hapta chhung chauh nilovin kumtluanin faina hi kan ngaipawimawh tur a ni, a ti a, zuk leh hmuam chungchangah pawh hmalak nasat hle a ngaih thu sawiin faina kawnga midangte zirtir theitu niturin kalkhawmte chu a chah bawk a ni.
Pu C. Zohupa, Principal, Government Saiha College in “Faina pawimawhna leh mipuite mawhphurhna”, tih thupui hmanga a paper present chu a chhiarchhuak bawk a ni. He Faina Hapta hman chhung hian Saiha khawpui chhunga Veng, Office, Zirna In, Restaurant/Tea Stall leh Hotel, Charity Home leh Hostel leh Khaw faiber te thlan an ni dawn a, heng faiber thlanchhuah te hi Certificate leh lawmman tha tak pek an ni dawn a ni. He Week hman chhung hian faina lam hawia thuziaktha chanchinbu pathum hnenah pawh lawmman hian turn ani bawk.
Pu C. Zohupa, Principal, Government Saiha College in “Faina pawimawhna leh mipuite mawhphurhna”, tih thupui hmanga a paper present chu a chhiarchhuak bawk a ni. He Faina Hapta hman chhung hian Saiha khawpui chhunga Veng, Office, Zirna In, Restaurant/Tea Stall leh Hotel, Charity Home leh Hostel leh Khaw faiber te thlan an ni dawn a, heng faiber thlanchhuah te hi Certificate leh lawmman tha tak pek an ni dawn a ni. He Week hman chhung hian faina lam hawia thuziaktha chanchinbu pathum hnenah pawh lawmman hian turn ani bawk.
