Ni 3 awh Mizoram Elementary School Games chu vawiin khan zawh fel a ni ta a. Aizawl District chuan medal la hnem berin a pumpuia Pakhatna an ni
Kharna inkhawm, Ramhlun Sports Complex-a neihah Khuallian Pu Lalsawta chuan District hrang hrang atanga zirlai naupang kal khawmte chu chibai bukin lawmthu a hrilh a. Mizoram sorkar thar chuan zirna chu sum peipunna hlawk leh tha ber nia a hriat avangin miretheite ban phak tura zirna tha kalpui chu a tum a ni, tiin a sawi a. Zirna tha nei tura sorkar in a beihna piah lamah mimal school te hmalakna pawh lawmawm a tih thu a sawi bawk. Pu Lalsawta chuan zirlai naupangte chu fuihin zirna chu thiamna kawng hrang hranga khawvel inelna ah Mizote thluak a nep bik lohzia lantir tu tur a ni, a ti a. Zirna chu mihring puitlinga naupangte chhertu tur leh Mizoram chakna innghahna a ni a ti a. Aizawl pawn lam district hrang hrang atanga zirlai lo kalte chuan he School Games hi an tihlu zualin engtianga kalpui zel tur nge tih sorkar-in a la ngaihtuah zel dawn, a ti.
Mizoram Elementary School Games ah hian District 8 atangin naupang 735 bakah official te nen mi 900 an tel a. Infiamna chi hrang hrang 9 ah inelna neih a niin heng inelna te hi Aizawl khawpui chhung khelmual leh hall hrang hrang ah te neih a ni. a A pumpuia titha ber Aizawl District chuan medal 78 an la a. Kolasib district chu Pahnihna niin medal 50 an la a; Champhai District chu Pathumna niin medal 29 an la thung a. Khuallian-in lawmman te hi a sem a ni.
Vawiina School Games kharna hi Pu T.Rohmingliana, Addl.Secretary, Department of School Education kaihhruaina hnuaiah neih a niin Pu R.Vanhlira, Secretary, Organising Committee chuan report a pe a. Khuallianin School Games Puanzar pawt thla in he intihsiakna hi a khar a ni.
Mizoram Elementary School Games ah hian District 8 atangin naupang 735 bakah official te nen mi 900 an tel a. Infiamna chi hrang hrang 9 ah inelna neih a niin heng inelna te hi Aizawl khawpui chhung khelmual leh hall hrang hrang ah te neih a ni. a A pumpuia titha ber Aizawl District chuan medal 78 an la a. Kolasib district chu Pahnihna niin medal 50 an la a; Champhai District chu Pathumna niin medal 29 an la thung a. Khuallian-in lawmman te hi a sem a ni.
