Rualban lote (disabled) tana zaia inelna Zo-Vohbik chu vawiin khan Kolasib New Diakkawn Community Hall-ah tan a ni a. A hawnna inkhawm hi Pu Lal Thanzara, Parliamentary Secretary in a hmanpui.
Thu sawiin Pu Lal Thanzara chuan Rualban lote dawmkang turin sorkar chuan a theih tawp a chhuah dawn a ni, a ti a. Zo-Vohbik thlanna a sawm a ni chu lawmthu sawiin, rualban lote hian chanvo (right) an neih te a taka kan hman hi kan tih tur a ni, a ti a. Ram changkangah te chuan ngaihsak leh thuam that an ni a, keini ramah pawh heti lama kan than chhoh a, anmahni tanpui leh tih hmasawn hi sorkar leh mimal tin ten kan tum tur a ni a ti.
Zo-Vohbik 2009 hawnna inkhawm hi Pi Lianhmingi Pachuau MCS, Zo-Vohbik Organising Committee Chairman in a kaihruai a. Pu F. Lalbiakliana, Secretary in report pe in Pu Dawngliana, DC Kolasib chuan khualzahawm niin he hun hi a hmanpui bawk a ni.
Zo-Vohbik inelna ah hian mi 19 an tel a. Zanin dar 7 atangin inelna an nei dawn a ni.
Zo-Vohbik 2009 hawnna inkhawm hi Pi Lianhmingi Pachuau MCS, Zo-Vohbik Organising Committee Chairman in a kaihruai a. Pu F. Lalbiakliana, Secretary in report pe in Pu Dawngliana, DC Kolasib chuan khualzahawm niin he hun hi a hmanpui bawk a ni.
Zo-Vohbik inelna ah hian mi 19 an tel a. Zanin dar 7 atangin inelna an nei dawn a ni.
