Vawiin chawhma khan Upa te Ni Haulawng ah hman a ni a. Pu P.C. Lalthanliana, Social Welfare etc. Minister chu khuallian a ni.

Khuallian chuan thusawiin UNO in Upa te dinhmun ngaipawimawh in hamthatna chi hrang hrang chenna hmun, ei leh bar, hriselna, silh leh fen ngaihtuah sak turin rel a lo ni a. Khawvel sorkar zawng zawng in Upa te zahawmna humhalh sak a lungawi taka awm tir hi a ngaihpawimawh tur a ni, a ti. Upa te hi sorkar in a hre reng a ni. Indira Gandhi Old Age Pension  mi 8231 hnenah pek mek a ni a, nakumah chuan hei aia tam hi pek tum a ni a, sorkar khalh ngiltu turah pawh Upa te hi chanvo tha tak pek a ni bawk a. Upa pawl hi Pawl thianghlim leh zahawm a ni a, chuvangin upa pawl hi ti zahawm a, ti thianghlim turin a chah bawk a ni. Mizoram sorkar hmalak mekte a tarlang bawk. NLUP hi sem a ni dawn a, a dawngtu tur ten hlawhtin ngei a intodelhna rilru pu theuh turin a chah bawk a ni.

Inkawm hi Pu Thanzauva, President MUP Haulawng branch in kaihruaiin nileng a hun hman a ni a, tlaiah ruai kilho nghal a ni.