WIFS Programme Launching chu Chanmari YMA Hall ah vawiin ni 27 , February 2013 hian neih a ni a. Pi. L. Tochhong, Chief Secretary, Govt of Mizoram, Chairperson, State WIFS Advisory Committee ni bawk chuan khuallian niin a hawng a, Pi Esther Lal Ruatkimi, Secretary, Health & Family Welfare Department, Mizoram in he inkhawm hi a kaihruai a ni.

He Programme in a turn ber chu tleirawl te hriselna chawikan leh tleirawl zinga thisen tlakchhamna (Anaemia) tih tlem hi a ni a. India ramah tleirawl zingah Anaemia hi a tam em em a, hmeichhe tleirawl 56 % leh mipa tleirawl 30.2% in an nei a chhut a ni. He Programme hian a tum chu tleirawl school kal, Middle School atanga Higher Secondary zirlai, Government leh Government Aided School zawng zawnga mi te leh an zirtirtu te, tin school kal tawh lo tleirawl te pawh Anganwadi Centre- ah tleirawl kum 10 -19 te leh Anganwadi Worker te an ni.

WIFS - IFA hi kumtluanin kartin Thawhtanni apiangin Midday Meal ei zawh ah pek thin tur a ni a. Anganwadi lamah chuan Inrinniah pek thin an ni ang. Iron tablet bakah hian kum khatah vawi 2 - February leh August thlaah rulhut hlo (Albendazole) pek an ni ziah bawk dawn a ni.

He Iron Folic acid WIFS Programme a pek tur hi a bik liau liau a WIFS atan a siam, Enteric coated niin he damdawi hian pumpuiah hna a thawk lova, pumpui acid kaltlangin ril atangin taksa ah a inhip lut a, hei vang hian pumpui thalo leh lawng neite tan pawh ei a pawilo a ni.

India ram State dang thenkhat chuan he Programme hi an lo hmang tan tawh a, North East state ah chuan Mizoram hi a hawng hmasa ber an ni.