Vawiin khan India ram pumah Statistics Day hman a ni. Statistics day hi Prof. Prasanta Chandra Mahalanobis (L), India ram tana Economic planning leh Statistical development a thawhhlawk em em leh a hnathawh ropui tak hriatreng nan a piancham hi ruat a ni. Prof. P.C. Mohalanobis hi Indian Statistical Institute (ISI) National Sample Survey (NSS), Central Statistical Organisation (CSO) etc. lo dinchhuah nana nasa taka hma lo latu a ni a. Economics planning leh Statistical development lama a thawhhlawk em avangin India sorkar-ah Honorary Statistical Adviser to the Cabinet ah ruat a ni. Prime Minister, Jawaharlal Nehru an a ruat angin 2lnd Five Year Plan a duang chhuak a, he planning model a duanchhuah hian India ram Economic planning-a thawhhlawk ber nihna a hauh phah ta reng a ni, India ram mai bakah khawvel pum huap International Statistical Education (ISE) pawh ama hmalaknain Kolkata ah din a ni. International Statistical Institute (ISI)-a India mi President ni hmasa ber a ni bawk.

He ni hi Saiha-ah pawh Economics and Statistics Department buatsaihin anmahni Office-ah chawhma dar 10:30 khan hman a ni a, Pu K.Thankhuma, District Research Officer, Saiha in he inkhawm hi a kaihruai a, mi sawmte leh media lam pawh an kal tha hle a ni. Pu FC Zase, Chairman, M. A.D.C. Saiha chu khuallian a ni. Pu FC. Zase chuan Statistics pawimawhna kawng hrang hrang sawiin Economics & Statistics Department chu Mizoram sorkarin Statistical chetlakna leh Statistical, system mumal taka state chhunga kalpui anih thelh nan Nodal Agency ah alo puangtawh a, he department hmalak tawh leh hmachhawpte tihhlawhtlin a nih theih nan Mara Autonomous District Council pawhin theihtawp chhuahpui a tum thu a sawi bawk. Saiha Disaict a sorkar Department, Institution, Association leh chhungkua zawng zawngte chu Economics & Statistics Department hmalakna hrang hrang a lo tanpui turin a ngen bawk. Khuallian hian Saiha Urban Survey Report-2008 a tlangzarh nghal bawk a ni.