1016/2026-2027

Dated Hnahthial the 16th June, 2026: Vawiin khan Government Model Middle School-ah June 16 atanga July 31 thleng awh tur "Stop Diarrhoea Campaign 2026" hawnna chu neih niin Pu Zothanmawia Khiangte, Additional DC chuan khuallian niin a hawng a. Pi K. Zoramchhani, District Education Officer (DEO) chuan he hun hi kaihruaiin, Dr. Zosangliani, Medical Superintendent leh Pi RTC. Lalchhanhimi, Health & Wellness Officer te chuan thusawina hun an hmang bawk a ni. 

Pu Zothanmawia Khiangte Addl. DC chuan naupangt e chu tui in tam tur leh faina kawnga tan la lehzual turin a fuih a. Nizan lawka veng fai inelna lawmman an sem zawh tak chungchang pawh sawiin, inelna chu zo tawh mah se mahni veng theuh fai taka enkawl chhunzawm chu mitin mawhphurhna a nih thu leh hemi kawnga theihtawp chhuah zel turin kalkhawmte a chah a ni. 

Dr. Zosangliani, Medical Superintendent chuan India ramah kawthalo natna a tam thu leh thihpui an tam avanga he Campaign hi buaitsaih a nih thu a sawi a. Kawthalo chu khawvel pumpuaiah Naupang kum 5 hnuai lam thihna thlentu tam ber zinga pathumna a nih mek thu sawiin naupiang 1000 ah mi 26 zel chu kawthalo vanga thi an nih thu a tarlang bawk. Medical Superintendent hian kawthalo laka inven dan leh a kaichhawn theih dan te a sawi bakah he natna vei te tan ORS leh tui intam a pawimawh thu a sawi a ni. 

Pi Dr. RTC. Lalchhanhimi Health & Wellness Officer, chuan kal khawmte chu kut sil dan inzirtirna Live Demonstration a neih pui bawk.

Campaign hawnna ah hian Government Model Middle School naupang leh zirtirtu te, MJA Hnahthial member te leh Health Department lama thawktute an te a ni.