Mahni indap chawp a zirlai pawl Students' Self Support Union (SSU) General Hqrs. bultum Student Employment Exchange chu vawiin chhun khan I&PR Conference Hall a inkhawm buatsaihah LAD Minister Pu P.C. Lalthanliana'n a hawng.
Zirlai ni chunga mahni intodelh leh mamawh phuhrukna tura inhlawhfakna hrang hrang ruahman theihna tur he Student Employment Exchange hawnna inkhawm hi SSU Gen. Hqrs President Pu Zaithanmawia Chhangte chuan a kaihruai a. Employment Exchange hawngtu Pu P.C. Lalthanliana chuan hetiang ruahmanna tangkai tak ngaihtuah chhuak tute chungah lawmthu sawiin zirlai mahni a indap chawp te tan thil tangkai tak a nih zui a beisei thu a tarlang a. Minister chuan zirlai nun hi nun chapo hun lai, nakin hnu a an la nih leh thlen tur suangtuah hunlai a nih avangin he rilru an put mek hi hman dik chuan hlawhtlinna bul a ni fo thin, a ti a. Awlsam leh nuamsa taka zirlai te aiin mahni inhai chhuak chawp a zirlai te hi mi hlawhtling an ni chawk thin tiin zirlai nih hun chunga eng hna pawh thawk hreh lo turin a chah a ni. Pu PC Lalthanliana chuan amah ngei pawh lehkha a zir lai a inhlawhfa chawp thin a nih dan sawi chhuakin chu chuan tumruhna nghet tak a siam a, politics a luhchilh hnuah pawh chu thinlung chu a hlawhtlinna thlentu a nih dan a tarlang a ni.
Students' Employment Exchange (SSE) hmang hian zirlai mahni a intodelh tum ten inhlawhna tha zawk leh awmze nei zawk an hmu thei anga, hnathawktu mamawhte pawhin he Exchange atang hian hnathawktu awlsam zawkin an hmu thei ang. SSU General Hqrs. hnuaia Managing Board in SSE hi a enkawl anga. Managing Board hian Director, Secretary leh member dang 8 a nei ang. SSE ah hian zirlai inhlawh duh apiang an in ziaklut anga, thiamna an neihdan leh hman hun a zirin thliar hran an ni leh ang. Hlawh bi chungchang chu sorkar thuneitu te nen la ngaihtuahzui a rel fel tum a ni a. Darkar bi leh ni bi a then a ni ang. Tun dinhmunah erawh chuan hnathawktu leh a ruaitute inremna anga kal rih phawt a ni thung ang.
Students' Self Support Union (SSU) hi 27th May 1985 a din niin kuminah hian Silver Jubilee an hmang mek a ni.
Students' Employment Exchange (SSE) hmang hian zirlai mahni a intodelh tum ten inhlawhna tha zawk leh awmze nei zawk an hmu thei anga, hnathawktu mamawhte pawhin he Exchange atang hian hnathawktu awlsam zawkin an hmu thei ang. SSU General Hqrs. hnuaia Managing Board in SSE hi a enkawl anga. Managing Board hian Director, Secretary leh member dang 8 a nei ang. SSE ah hian zirlai inhlawh duh apiang an in ziaklut anga, thiamna an neihdan leh hman hun a zirin thliar hran an ni leh ang. Hlawh bi chungchang chu sorkar thuneitu te nen la ngaihtuahzui a rel fel tum a ni a. Darkar bi leh ni bi a then a ni ang. Tun dinhmunah erawh chuan hnathawktu leh a ruaitute inremna anga kal rih phawt a ni thung ang.
Students' Self Support Union (SSU) hi 27th May 1985 a din niin kuminah hian Silver Jubilee an hmang mek a ni.
