Nimin khan Suangpuilawn Sapthei chingtu Association chuan General Conference an khaw community hall-ah an nei a, hei hi Pu Samuel Rosanglura, Director of Horticulture leh Official engemaw zatin an han hmanpui a ni.

Pu Samuela chuan sapthei chingtute hnenah Suangpuilawn khua chu sapthei chin na ah an taimakna leh tih tak takna avangin an hlawhtling em em a, Suangpuilawn khua sawi apiangin sapthei chin an hrechhuak tel tawh a, kuminah ringawt pawh truck trip engemaw zat MIFCO ah an hralh tawh tih a sawi.

Sapthei chingtu Association khaipa ber thin kumin a boral ta Pu Rochhunga chuan, " Tunah ka hnathawh rah thlan tla zawih zawihin ka phura, nakin lawkah ka phurh hian min la phur ve dawn a ni." tiin beiseina sang tak nen a eizawnna sapthei chu taima takin a seng thin a ni, an ti. Conference hi Passion Fruits Growers Association President Pu Zohmingliana’n a kaihruai a, Aizawl lam atang Conference atana an sawm Pu David L Thangliana, Cheif Media Officer, NLUP; Pu Lalthlamuana, Aizawl Distric Horticulture Officer; Pu Ruata Chenkual, Dy. Director (Horti) leh Pu Ngurthansanga, GM (MIFCO) ten lawmpuina thu leh fuihna thu sawiin, NLUP hmanga hmalak chhunzawm zelna ah sapthei leh trade dang dangah pawh taimakna, thawhrimna leh rinawmna nen chhungkaw tin mai bakah Mizoram hmasawn nan tan la turin an chah a ni.

Hemi ni zinglam dar 10 ah Circle Horticulture Office tur Suangpuilawn ah hian Pu Samuel Rosanglura hian a hawng bawk a ni.