2112/2026-2027
Dated: Mamit the 8th of September, 2026 : Mamit District chhung Suarhliap peng leh Zamuang inkar kawng (Ch.0.00 to 24.200 kmp) chu tunlai hian a thawm that hna thawh mek chu chhun zawm zel a ni a. Helai kawngah hian lirthei HMV tlan a tam thin avang leh fur khua a nih avangin kawng siam hna thawh chak a har em em a. Chuvangin kawng siam lai mek chak zawka kalpui a nih theih nan helai kawnga lirthei tlan dan tur khuah khirhna siam a țul a hriat a ni a.
Chuvangin, Pu Manny Bhushan Singh, IPS, Superintendent of Police, Mamit District chuan Motor Vehicles Act, 1988 (Act 59 of 1988) Section 115 leh Mizoram Sawrkar Notification No. B.12021/10/2004-TRP Dt. 01.06.2020 in thuneihna a pek angin Mamit District chhung Suarhliap peng leh Zamuang inkar kawng-ah (Ch.0.00 to Ch.24.200 Kmp) Dt.8.9.2026 (Tuesday) atanga Dt.7.10.2026 (Wednesday) chhung hian HMV lirthei tlan phal a nilo tih thupek a chhuah.
He thupek hian Magistrate, Police, Excise, Central Force, Emergency leh VIP/VVIP te a huam lovang.
Lirthei khalhtu te leh passenger te kan him tlanna tur leh kawngpui tha zawk kan neih na tura thupek hi zawm theuh turin mipuite kan inngenin kan inhriattir a. Thupek bawhchhia chu U/s 179 MV Act hmanga hrem an ni ang.
Issued by, District Information & Public Relations Office : Mamit District, Mamit
