No.7034/2020-2021 

Vawiin khan Synod Bookroom kawt, Diakkawn Bazar Kolasibah Sub Hqrs. YMA Kolasib hmalakna a ruihhlo man tih ralna hun hman a ni a. Bialtu MLA Pu K. Lalrinliana, Mininster of State, Food, Civil Supplies and Consumer Affairs Department-in telpuiin Pu C.Liankunga, President, Sub-headquarters YMA,  Kolasibin hun a kaihruai a ni. 

Minister chuan ram leh hnam hmelma ruihhlo dona kawnga YMA hmalakna chu fakawm a tih thu sawiin vawiin a ruihhlo tih ral ngei te pawh man ni lo se chu chhungkaw tam tak hnen a buaina leh harsatna thlen theitu a nih thu a sawi a. Ruihhlo hal ralna hun hmanna hian ruihhlo that lohzia leh khawtlang hmelma a nih zia lantirna hun pawimawh tak a nih thu sawiin ruihhlo man tur leh hal ral tur awm lo khawp a khawtlang nun muanawm leh zalen siam tur a hma la zel turin kalkhawm te a chah bawk a ni. 

Vawiin a ruihhlo tih ralnaah hian number 4 hawng 4, Cap 426, ganja pocket 53 leh fun kg 0.5, a vaiin Cheng 7,57,600 hu anga chhut a ni. Bialtu MLA hian ruihhlo dona kawnga hmalakna kalpui chhunzawm zel nan Cheng Singkhat a hlan nghal bawk a ni.

Attachment

  • Loading attachment...