Mizoram Legislative Assembly-a Subject Committee-I chuan vawiin khan New Delhi-ah Minister of State for Home Affairs Pu Kiren Rijiju hmu-in Mizoram, Bangladesh leh Myanmar ramri chungchanga harsatna awm tawh, la awm thei leh thil dangte sawipuiin memorandum an theh lut nghal.

Pu Kiren Rijiju hian Subject Committee-I chu lawm taka lo dawngsawngin an thil thlente lo enzuipui a tiam a. He hunah hian Subject Committee-I Chairman Pu P.C. Zoram Sangliana, MLA leh member panga (5) Pu Nihar Kanti Chakma, Pu Vanlalzawma, Pu T. Sangkunga, Pu John Siamkunga leh Pu Lalruatkima te an tel a ni. Member dang Pu S. Laldingliana erawh a tel remchang thei lo.

Minister hian Border Management high official-te chu Reshuffle mek an ni chungin instruction a pe nghal a, Committee-in an hmuh zui dan tur rem a ruatpui nghal a ni. Committee hi Pu David Lalthantluanga, Addl. R.C, Delhi leh Mizoram Legislative Assembly Official ten an tawiawm a ni.

Lok Sabha MP Pu C.L. Ruala chuan Committee hi zanriah tuihnai tak a buatsaihsak nghal bawk.