Vawiin khan Kolasib-ah Systematic Voter’s Education & Electoral Participation (SVEEP) committee chu District Bawrhsap Dr. Arun.T. IAS kaihhruaiin a ma office ah thutkhawm a ni.

SVEEP Street Walk naktuka neih dan tur sawiho a ni a.  Ruahman dan chuan District Bawrhsap Dr. Arun.T. chu khuallian tur a ni ang. SVEEP Street Walk-ah hian Kolasib khawpui khawchhunga High School, Higher Secondary School, College leh DIET zirlai zawng zawngte an tel ang a. Zing dar 10:00  ah an mahni Campus atang theuhvin Placard leh Slogan keng in Diakkawn YMA Hall  an pan khawm ang a, Campus Ambassador leh bialtu BLO ten an tawiawm ang.

Dar 11:00 AM atangin Debate and Elocution Competition neih tur a ni a. ‘Elocution for High School leh Higher Secondary School Topic atan - ‘Vote neih hlutna’ a ni ang. College leh DIET te tan debate neih a ni dawn bawk a, Topic turin ‘Vote neih chuan Vote thlak ngei hi kan bat a ni’ tih a ni ang. Competition-ah hian lawmman - Trophy + Certificate pek an ni bawk ang.

He thutkhawmah hian Canpus Ambassador-te T-Shirt leh Badge sem nghal  a niin, briefing training pek nghal an ni bawk.