Mizoram Finance & Accounts Service Association in 20th Annual General Conference vawiin chawhma dar 11 a Tourist Lodge Chaltlang,Aizawla an neih ah Finance Minister Pu Lalsawta’n a hmanpui.MFASA Souvenir a tlangzarh nghal bawk.

Finance & Accounts chu Mizoram sorkarah department pawimawh tak lo ni chho ta,sorkar department hrang hrang te tana pawimawh tak leh sorkar inrelbawl na ah ram hnuk khawih tu an ni tiin khuallian Pu Lalsawta chuan thawk tu te chu a lar zawng leh mahni inhaivur na lam aia, sorkar sum chevel fello leh diklo te vengtu, a kila lung tangkai tak an nih thu a sawi a.Mizoram sorkara Department hrang hrang te hi tun aia sum sumkar zawngin kal thei sela,sorkar sum nasa taka a chhanhim theih a beisei thu sawiin Pu Sawta chuan "Tul vak lo ah pawisa kan hmanchhuah loh chuan pawisa kan thawkchhuak" ani tih hi sorkar hnathawk te hian kan hriat fuh a tul thu sawiin sum relbawl na tha kan neih theih na tura Mizoram Chief Minister ngei pawh in Department hotu te a kawm in a sawipui mek a ni tiin sum lama harsatna su kiang tura sorkar in hmalakna a neih dan te a sawi bawk a ni.

Sum enkawlna tha tun atanga siam a ngaih thu sawiin khuallian chuan thil awlsam tak chu ni dawn lo mahse keinin kan tih loh chuan ramdang mi ten min rawn siam sak dawn lo va, keimah ni,kan tu leh fa leh thangthar lo awm zel tur te tan kan bei zel tur ani tih hi kan "Hla do " ni rawh se tiin MFASA member te chu sawm in thil huphurhawm tak ni mahse thil tih theih a ni a,thil reng reng siam tha tur chuan chona(challenge) a ngai a ni a ti bawk.

MFASA General Conference hi Pu R Lalbiakthanga Vice President in a kaihruai aPu Zokunga Secretary leh Pu Lalthakima Finance Secretary ten report an pek ngaihthlak a niin member thar te lawmluhna neih a ni.Chawhnu lamah rorel a niin 2014 -2015 Office Bearers thlan nghal a ni ang.