No.6860/2020-2021

Tunlai hian phone hmanga inbumna a hluar hle a, hnam dangin bank atanga rawh call anga insawiin, bank KYC emaw bank account lama thil fel lo deuh awm anga sawiin, a rang thei ang bera chinfel a ngaih thu tein mi an bum thin a ni.

Chung mite chuan i bank account number, debit card (ATM) number, card hnung lama CVV number, internet banking emaw bank mobile application user ID leh password te an dil bakah mobile application hrang hrang install a ngaih thu an rawn sawi thin a, heng hmang hian i bank account-a pawisa zawng zawng an la chhuak thei a ni tih hriat tur a ni. An thil rawn dilte hi pek emaw, an sawi anga lo tih reng reng loh tur a ni.

Hetiang inbumna chungchanga mipuite hriat tur pawimawhte:

1.    Bank hovin an customer te atangin hetiang thil hi phone hmang phei chuan an dil ngai reng reng           lo a ni.

2.    I bank lama thil fel lo a awm a nih chuan i hman huna bank-a va kal a, va tihfel a him ber a ni.

3.    Heng bakah hian phone hmangin hnam dangin emaw Mizo ngei pawhin eng emaw lawmman dawngtu i nih thu te, pawl emaw mimal hminga tanpuina dawng tura thlan i nih thu te, i pension chungchangah buaipui ngai a awm thu te, phone/tui/electric bill pek a ngaih thu te emaw hmanga dawt sawiin i account detail dil chhuah an turn thei a, hetiang hi inbumna a ni tih hria a, lo dawr lo tur in mi tin kan inchah a ni.

4.    Mi vengva leh chine hang hre awma ngaih, mi lehkhathiam leh sorkarah pawh hna sang tak chelh mekte pawh hetianga bum tawk hi an awm nual tawh a ni.

5.    Hetiang inbumna hi i lo tawng ve a nih chuan Cyber Crime Police Station ah a rang thei ang bera report tur a ni.

6.    Cyber Crime Police Station biak pawh theihna number-te chu : 0389-2333656 leh 8119935420.