No.6859/2020-2021

Vawiin chawhma dar 11:00AM khan Lunglei,Lawngtlai leh Siaha district E/Roll observer tana ruat Dr. Lazirmawia Chhangte IAS,hovin Special Summary Revision of E/Rolls,2020 thlir hona meeting  DRDA Conference Hall-a  neih a ni.

Meeting hi Pu B.Lalchhawntluanga, DC charge la mek tu leh ERO 39-Saiha(ST),A/C  ni bawk chuan kaihruaiin, Pu H.Zonunmawia,Election Officer chuan  Electoral Rolls  buatsaih dan leh a kaihhnawih thil a  Siaha district dinhmun te, an hmalak  tawhna leh hmachhawp an nei te sawina hun a hman zawhah, Observer Dr. Lalzirmawia chuan thu sawina hun a hmang a ni.

Pu Zira chuan  a lo kal chhan sawiin, in thil tihdik lo hmuchhuak tura lokal ka ni lova, in hnathawh that te a hmunah ngei lo hmupui tur che u le,harsatna in nei em? tih te hre tura lo kal ka ni, E/Roll felfai leh thianghlim tak in buatsaih thin avangin E/Roll buatsaihna kawnga thawktu te zawng zawng hnenah lawmthu  ka sawi tak meuh a ni.E/Roll hi  continuous updation tihin; kumtina buatsaih reng a ni a.ECI chuan  kum 18 tling tawh  India khua leh tui tumah vote nei lovin an awm tur a ni lo, a ti mauh mai a ni. E/Roll felfai leh thianghlim hi India rama Inthlanna thianghlim,langtlang leh huapzo neih theih tura lungphum pawimawh hmasa  ber a ni. Chuvangin kan E/Roll te hi a felfai in a thianghlim chauh a tawk lo, chutiang chuan mipuiin an hmu bawk tur a ni, a ti.

Sawizawmin Pu Zira chuan E/Roll felfai leh thianghlim tak kan neih theih nana thawktu  Officials te puibawm thintu BLO te,NGO te leh Political party  te hnenah lawmthu ka sawi tak zet a, E/Roll buatsaihna kawngah officials te lo tanpui chhunzawm zel turin ka ngen bawk che u a ni, a ti. A thusawi zawh hian Observer  chuan audiance te kawmna hun  hmangin, an thil hriat lo  leh hriatchian duh an zawh te chu phur takin a chhang hlawm a ni.

Vawiin meeting-ah hian ERO te, AERO te, BLO te, Political party hrang hrang aiawh te, NGO aiawh te, Election office staff te leh sawmbik te an telkim hle a ni.

Dr.Lalzirmawia IAS chuan tukin zing khan Siaha town chhunga Polling Station te a tlawh kual a, meeting zawh-ah  40-Palak(ST) A/C hnuaia polling station te tlawh turin Siaha khawpui a chhuahsan leh nghal a ni.