372/2024-2025 

April ni 26, 2024 : State Election Commission, Mizoram thuchhuak angin Aizawl Municipal Area huam chhunga Ward No. XIX (Councillor ni lai MLA ah a tlin avanga seat pakhat ruak) leh Sakawrtuichhun Local Council (member ni lai boral avanga seat pakhat ruak) te chu a hnawhkhah nan Bye-Election neih tur a ni a. Hemi inthlanna atan a hman tur AMC/Local Councils Electoral Rolls Summary Revision, 2024 tehfungah 01.04.2024 hmangin neih a ni dawn a. Vawiin chawhma khan Aizawl DC Conference Hall ah Draft Electoral Rolls chu tlangzarh niin Addl. DC Pi Lalnunmawii chuan party aiawhte hnenah a hlan a ni.

AMC Ward No. XIX leh Sakawrtuichhun Local Council By-Election neih hun tur chu State Election Commission, Mizoram in a hranpa in hriattirna a la rawn tichhuak leh dawn a. Aizawl District huamchhunga inbuatsaihna kalpui dan chu hetiang hi a ni.

1) Aizawl Municipal Area huam chhunga Ward No. XIX leh Sakawrtuichhun Local Council Electoral Rolls chu ni 26.04.2024 hian mipui te en theih turin tarchhuah a ni a. Hemi ni atang hian 02.05.2024 thleng Electoral Roll atanga paih, thun thar, siamthat ngai leh insawn duhte tan dilna (claims and objections) LLO hnenah thehluhna hun hawn a ni ang.

2) Ni 26.04.2024 02.05.2024 chhunga dilna lut chu 02.05.2024 08.05.2024 chhungin MERO/AMERO ten an endik ang a. Hetianga an enfiah zawh hnu hian MERO -ten thutlukna an siam fel hnuah hming thunluh ngai, paih ngai leh siamthat ngaite chu thliar hran leh a ni ang a, hemi hnu hian Data entry (Computer-a thunluh hna) thawh zui nghal char char a ni ang.

3) Tun tum Draft AMC/Local Council Electoral Rolls-a Elector awm zat chu Ward XIX tan mi 13172 niin, Sakawrtuichhun Local Council ah mi 1636 an ni. (Annexure I).

Addl DC Pi Lalnunmawii chuan AMC/Local Council E/Roll hi MLA Roll nen a hranpa a buatsaih a nih thu leh, hemi a inthun thar, insawn (transfer) leh siamthat (correct) te hi MLA Roll atan a rin nghal theih loh thu a sawi a. Summary Revision of AMC Ward No. XIX leh Sawrtuichhun Local Council Electoral Rolls, 2024 chuan tluang tak leh hlawhtling taka neih theih nan bialtu MERO, AMERO leh LLO te, Local Council, Political Parties, Tlawmngai Pawl hrang hrangte leh Media te hma lakpui tur leh tawiawmna a sawm a ni.

Draft Electoral Roll tlangzarh naah hian Election Officer Pu Lalnunfela Chawngthu chuan thu sawiin, SEC in inthlan neih hun tur a la puan tur thu leh, he draft roll atang hian lut thar tur, paih tu leh hming siamthat ngai a awm chuan thlitfim nan he revision hun hi hman a nih tur thu a sawi a. AMC Ward No. XIX by-election atana MERO Pu Lalhmansanga pawhin thu sawiin, vote thlak thei reng si roll a kan thun loh palh / hmaih hian an ramhruaitu thlang tura dikna chanvo ‘right to vote’ kan lak sakna a nih avangin mawhphurtu zawng zawng kan fimkhur tlan a ngai a ni, a ti.

AMC Ward No. XIX atan hian MERO Pu Lalhmansanga, Jt. Director LR&S bakah hian AMAERO atan Pi Esther Leihang, BDO Aibawk chu ruat a ni a. Sakawrtuichhun Local Council atana MERO chu Pi Lalhruaitluangi, Dy. Director, UD&PA niin AMAERO chu Pu John Lalramhluna Hnamte, SDC-III, Aizawl a ni.

Annexure-I

NO OF ELECTORS UNDER AMC WARD XIX

NO OF ELECTORS UNDER SAKAWRTUICHHUN LOCAL COUNCIL