State Election Commission thuchhuak angin Local Council leh Village Council Electoral Rolls Summary Revision, 2020 neih tur a ni a. Hemi atan hian Aizawl DC/DEO Pu Vanlalngaihsaka, IAS hovin Aizawl District Level Standing Committee chu DC Conference Hall-ah vawiin ni 13.3.2020 (Zirtawpni) khan a thukhawm. Draft Electoral Rolls tarchhuah a nih bakah MERO/AMERO/ERO/AERO, Political Party leh NGO aiawhte pawh kim taka telin hmalak dan tur sawi ho nghal a ni bawk.

Aizawl District chhunga Village Council leh Local Council Draft Electoral Roll dinhmun chu hetiang hi a ni :
1. Aizawl District-ah Local Council Constituency 83 a awm a, Draft Electoral Roll-ah vote nei 220963 an awm (Hmeichhia-118190, Mipa-102773). Ni 14.3.2020 atanga ni 18.3.2020 thleng Electoral Roll atanga paih, thun that, siamthat ngai leh insawn duhte tan dilna (claims and objections) Local Level Officer hnenah thehluh theih a ni ang.

2. Aizawl District-ah Village Council Constituency 67 a awm a, Draft Electoral Roll-ah vote nei 59294 an awm (Hmeichhia-30217, Mipa-29077). Ni 14.3.2020 atang ni 18.3.2020 thleng Electoral Roll atanga paih, thun thar, siamthat ngai leh insawn duhte tan dilna (claims and objections) Village Level Officer hnenah thehluh theih a ni.

3. Ni 14.3.2020 - 18.3.2020 chhunga dilna lut chu 19.3.2020 - 25.3.2020 chhungin MERO/AMERO/ERO/AERO ten an endik ang a, endiknaah hian Veng/Khaw tina LC/VC, NGO, Political party leh LLO/VLO te tawiawmna beisei a ni. Hetianga enfiah zawh hnua MERO/ERO-in thutlukna a siam fel hnuah hming thunluh ngai, paih ngai leh siamthat ngaite chu District Election Office-a thliar hrang leh ang a, hemi hnu hian Data entry (Computer-a thunluh hna) thawh zui tur a ni.