925/2023-2024

Aizawl, the 26th June 2023 : Vawiin khan Aizawl DC/DEO Dr. Lalhriatzuali Ralte kaihhruaina hnuaiah DC Conference Hall, Aizawl-ah Local/Village Council Draft Electoral Rolls, 2023 tarchhuah a ni a. Aizawl District huamchhunga heng Local Council/Village Council : Luangmual (1 Seat Reserve) leh Salem Veng (1 seat General) Local Council-te leh Hmunnghak (1 Seat Reserve), Chhanchuahna Khawpui (1 seat General), Darlawn Chhim Veng (1 seat General), Darlawn Venghlun (1 seat General) leh Sihphir Venghlun (1 seat General) ruak te chu a hnawhkhah nan Bye-Election neih tur a ni a. Hemi inthlanna atan a hman tur Local Councils/Village Councils Electoral Rolls Summary Revision, 2023 tehfungah 01.07.2023 hmangin neih a ni dawn a, Draft Electoral Rolls chu vawiin Dt. 26.06.2023 hian tarchhhuah a ni a. Aizawl District huam chhunga inbuatsaihna kalpui dan chu hetiang hi a ni:

1. Aizawl District huam chhunga Luangmual leh Salem Veng Local Council leh Hmunnghak, Chhanchuahna Khawpui, Darlawn Chhim Veng, Darlawn Venghlun leh Sihphir Venghlun Village Councils Electoral Rolls chu ni 26.06.2023 hian mipui te en theih turin tarchhuah a ni a. Hemi ni atang hian 11.07.2023 thleng Electoral Roll atanga paih, thun thar, siamthat ngai leh insawn duhte tan dilna (claims and objections) LLO/VLO hnenah thehluhna hun hawn a ni ang.

2. Ni 26.06.2023 - 11.07.2023 chhunga dilna lut chu 11.07.2023 - 17.07.2023 chhungin MERO/AMERO/ERO/AERO ten an endik ang a. Hetianga an enfiah zawh hnu hian MERO/ERO-ten thutlukna an siam fel hnuah hming thunluh ngai, paih ngai leh siamthat ngaite chu thliar hran leh a ni ang a, hemi hnu hian Data entry (Computer-a thunluh hna) thawh zui nghal char char a ni ang.

3. Tun tum Draft Local Council leh Village Council Electoral Rolls-a Elector awmzat chu phek hranin Annexure-I ah thil tel a ni.

Aizawl DC/DEO Dr. Lalhriatzuali Ralte chuan Summary Revision of Luangmual leh Salem Veng Local Council leh Hmunnghak, Chhanchuahna Khawpui, Darlawn Chhim Veng, Darlawn Venghlun leh Sihphir Venghlun Local/Village Councils Electoral Rolls, 2023 te chu tluang tak leh hlawhtling taka neih theih nan bialtu MERO, AMERO leh LLO te, Local Council, V/C, Political Parties, Tlawmngai Pawl hrang hrangte leh Media ten hma an lakpui tur leh tawiawmna a ngen a. Local/Village Council E/Roll hi MLA Roll nen a hranpa ve ve a buatsaih a ni a, hemi a inthun thar, insawn (transfer) leh siamthat (correct) te hi MLA Roll atan a rin nghal theih loh avangin heng Electoral Roll pahnihah hian mimal tinten an hming a chuan leh chuan loh enfiah zel thin nise tih a sawi bawk.

ABSTRACT OF DRAFT ELECTORAL ROLLS FOR THE ENSUING BY-ELECTION TO LOCAL/VILLAGE COUNCILS WITHIN AIZAWL DISTRICT, 2023