No.7981/2020-2021

Aizawl, 31st March 2021 : State Election Commission thuchhuak angin Republic Veng Local Council Electoral Rolls Summary Revision, 2021 neih a ni a. Hemi atana Final Electoral Rolls chu vawiin khan tarchhuah a ni. Republic Veng chhunga inbuatsaihna kalpui dan chu hetiang hi a ni :

1. Republic Veng chhungah hian Polling Station 3 a awm a, Draft Electoral Rolls, 2021 chu ni 25.3.2021 khan mipuite en theih turin tarchhuah a ni. Ni 26.3.2021 thlengin roll-a luh, paih leh siamthat dilna chi hrang hrang thehluhna hun hawn a ni.

2. Hun tiam chhunga dilna lutte chu ni 27.3.2021-ah MERO/AMERO ten vengchhung LC, NGO, LLO leh Political party-te tawiawmnain an enfiah a. MERO/AMERO-te Form thehluh hming thun thar, hming paih leh siamthat ngaite chu SEC E/Roll Software-ah thun a ni.

3. Form hrang hrang lut chinfel a nih hnuin Republic Veng Local Council Final Electoral Rolls, 2021 chu mipuite en theih turin vawiin ni 31.3.2021 (Nilaini) ah peihfel a lo ni ta a. He Final Roll hi a duh apiang en theih turin ADMEO/DC Office, MERO/AMERO office bakah vengchhunga Local Level Officer te hnenah dah a ni ang.

4. Republic Veng chhunga Polling Station 3-a Final Electoral Roll-ah vote nei 3118 an awm (Hmeichhia 1700 leh Mipa 1418), mi 1(pakhat)-in Final Roll-ah hian an tam zawk a, Mipa aiin Hmeichhia voter 282-in an tam zawk a ni.

5. Summary Revision of Republic Veng Local Council Electoral Rolls, 2021 tluang leh hlawhtling taka neih a nih theih nana rim leh thahnemngai taka thawktu - MERO, AMERO, LLO, LC, Political party, NGO-te chungah District Municipal Election Officer, Aizawl chuan lawmthu a sawi a ni.