Food Civil Supplies & Consumer Affairs Minister Pu John Rotluangliana chuan Mizoram mamawh gas leh petrol chungchangah Pu J.K. Brahma,IOC Senior Manager chu Mizoram House Silchar ah a kawm a. Kumin chhunga gas supply tluang taka harsatna awm lova an pek theih avang leh hmasawn lam a pan zel theih avangin lawmthu a hrilh a. Kumthar January thla atanga hman tan tur Direct Benefits Transfer of LPG (DBTL) chungchang an sawi a.Hei hian LPG semtute leh a hmangtute tan rah tha a chhuah ngei an beisei. IOC Senior Manager hian December 3.2014 a Cachar Deputy Commissioner in Railway Conversion avanga Mega Block in a kaihhnawih Railway,IOC leh FCI hotute meeting a neih pui thu a sawi a. Railways lam chuan hna tluang taka an thawh thu leh ruahman lawk angin kumthar 2015 April thla ah chuan rel kawng lian zawk siam zawh hman ngei an in beisei a ni.

Senior Manager IOC hi Silchar IOC Ltd. a a thawhpui Arun Kumar Saxena,R.K. Gohain,B Paul leh PP Buragohain ten an tawiawm a. Minister hi Parliamentary Secretary Pu T.T. Zothansanga'n tawiawm a,vawiintlaiah Aizawl an rawn let leh ang.