Food, Civil Supplies & Consumer Affairs Minister Pu H.Rohluna chuan nimin khan Mizoramin eirawngbawlna gas supply chungchanga harsatna a tawh te sutkian dan tur ngaihtuahin Mizoramin gas a lakluhna hmunpui Indian Oil Corporation Ltd. (AOD) LPG Gas Bottling Plant, Borkhola a tlawh.
Minister chuan Borkhola Gas Bottling Plant Manager Pu Ranjit Borgohain hnenah Mizoramin eirawngbawlna gas a harsatna a tawh dante hrilhin June thla a gas supply an hmuh tur zat an hmuh loh thute leh hemi hnawhkhat tura tan la turin a hrilh a, Gas Bottling Plant Manager chuan thla tharah gas supply tihpun anih tur thu sawiin gas pawh August thla hian bur 1,30,000 an rawn thawn ngei tur thu Minister hi an lo hrilh a ni. Tun dinhmunah chuan Borkhola atang hian thlatin gas bur 1,10,000 Mizoramah thawn ani thin a ni.
Minister chuan gas supply tute hnenah chuan Mizoram kilkhawr ber thlenga gas connection pek a duh laia Aizawl khawpuiah takngial pawh gas indaihlohna a awm chu buaithlak a tih thu sawiin he harsatna sut kianna tura an hma lak dante a zawt a, Mizorama Gas agent thar ten harsatna an tawh te pawh sawilangin he harsatna hi sutkian anih thuai dan tur ngaihtuah turin a hrilh nghal bawk a, Gas supply tute chuan Kulikawnah gas agent thar dah tur anih thu an sawi bakah gas distributor tenau pariat (Grameen LPG) bur 2499 chin sem thei tur Mizoram tan an ruahman thu leh hemi atan hian hriattirna pawh tihchhuah thuai anih tur thu an lo sawi a ni.
Gas supply tu te hian an harsatna tawh hrang hrangte Minister hi lo hrilh ve in, tun dinhmunah chuan gas bur ruak thun khah hi mihring tha (manual) hmanga tih vek anih avangin a thawh chak theih loh thu an sawi a, Minister hmalakna leh nawr luihna avang liau liau in electric hmanga gas bur ruak thunkhah theih turin chak taka hma lak mek a ni a, kumin December thla atang chuan hman tan theih beisei niin tuna thla tin gas 4900 MT (metric ton) pekchhuah thin chu 2550 MT velin a pun belh thei dawn a, Mizoram gas supply pawh a ziaawm chhoh phah an rin thu an sawi a, hma a laksakna vangin Minister hnenah hian lawmthu an lo sawi a ni.
Gas supply tu te chuan Mualkhang Gas Bottling Plant tihlen anih hunah chuan gas indaihlohna hian nasa takin a ziaawm phah dawn thu sawiin Minister pawhin Mualkhang Gas Bottling Plant tihlen na tura Mizoram sawrkar hmalakna te hrilhin land clearance pawh reiloteah tihfel anih tawh dawn thu leh hna thawh tan thuai anih theih tur thu a hrilh a ni.
Gas supply tu te chuan gas supply chungchangah State Sawrkar nilovin Gas Agent te hi a mawhphurtu zawk an nih thin thu sawiin, Gas harsatna a awmin hmun dang ang lo takin Mizoramah chuan Sawrkarin dem a hlawh thin a, Gas Agent te pawhin an mawhphurhna zawk ani tih hria a tan la deuh se tha an tih thu an sawi a, mipuite harsatna hrethiama Mizoram Sawrkarin Gas chungchanga hma a la thin chu lawmawm an tih thu an lo sawi bawk.
Borkhola Gas Bottling Plant hi Indian Oil Corporation Ltd (Assam Oil Division) hnuaia LPG Bottling Plant hmasa ber biin September 30, 1991 khan hawn a ni a, hemi kum vek November ni 22 atangin Gas bur hralh chhuah tan ani. A tirah chuan nikhatah gas bur hi Truck trip 5 bal an thun khat hman thin lova, tunah hian nitin truck trip 28 an thun khat hman tawh a ni. December thla atang electric hmang gas bur ruak thun anih hunah chuan tun aia a let a tam hi thun theih beisei a ni.
Borkhola Gas Bottling Plant hian tun dinhmunah chuan Mizoram, North Tripura, Jiribam (Manipur) leh Barak Valley (Assam) pumpui an supply mek a ni
Minister hian Borkhola Gas Bottling Plant a tlawh hnu ah Silchar FCI Kudam tlawh lehnghalin buhfai dinhmunte a enfiah a, FCI kudam enkawltute chuan Mizoram chhung check-gate hrang hranga pawisa laksak an nih thin avangin harsatna an tawh thin thu an lo sawi a, Minister chuan lo enchiana thil tidiklotute chu man chhuah ngei a tum thu in a chhang a ni. Tun dinhmun ah chuan buhfai stock a that tawk thu leh Mizoram tan thla[phanna tur a awm loh thu Minister hi an lo hrilh nghal bawk.
Minister hian Silchar a kal pah hian Vairengtea Supply Check-Gate tlawhin an hnathawh dante a endik nghal a, Vairengte hi phai lam atanga mipuite mamawh phurh luhna hmun ber anih avangin an hna uluk atul a, hnathawktute chu fimkhur tak leh rintlaka an hna thawk tura hrilhin, tha taka an hna thawk turin leh diklo taka thil tih tumte chu dim lo turin a hrilh nghal bawk a ni.
Minister hi Pu K.Lianzuala, MLA, Pu Rokunga Ralte, Jt.Director FCS & CA leh Silchar L.O Pu James Lalrinchhana ten an tawiawm a ni.
Minister chuan gas supply tute hnenah chuan Mizoram kilkhawr ber thlenga gas connection pek a duh laia Aizawl khawpuiah takngial pawh gas indaihlohna a awm chu buaithlak a tih thu sawiin he harsatna sut kianna tura an hma lak dante a zawt a, Mizorama Gas agent thar ten harsatna an tawh te pawh sawilangin he harsatna hi sutkian anih thuai dan tur ngaihtuah turin a hrilh nghal bawk a, Gas supply tute chuan Kulikawnah gas agent thar dah tur anih thu an sawi bakah gas distributor tenau pariat (Grameen LPG) bur 2499 chin sem thei tur Mizoram tan an ruahman thu leh hemi atan hian hriattirna pawh tihchhuah thuai anih tur thu an lo sawi a ni.
Gas supply tu te hian an harsatna tawh hrang hrangte Minister hi lo hrilh ve in, tun dinhmunah chuan gas bur ruak thun khah hi mihring tha (manual) hmanga tih vek anih avangin a thawh chak theih loh thu an sawi a, Minister hmalakna leh nawr luihna avang liau liau in electric hmanga gas bur ruak thunkhah theih turin chak taka hma lak mek a ni a, kumin December thla atang chuan hman tan theih beisei niin tuna thla tin gas 4900 MT (metric ton) pekchhuah thin chu 2550 MT velin a pun belh thei dawn a, Mizoram gas supply pawh a ziaawm chhoh phah an rin thu an sawi a, hma a laksakna vangin Minister hnenah hian lawmthu an lo sawi a ni.
Gas supply tu te chuan Mualkhang Gas Bottling Plant tihlen anih hunah chuan gas indaihlohna hian nasa takin a ziaawm phah dawn thu sawiin Minister pawhin Mualkhang Gas Bottling Plant tihlen na tura Mizoram sawrkar hmalakna te hrilhin land clearance pawh reiloteah tihfel anih tawh dawn thu leh hna thawh tan thuai anih theih tur thu a hrilh a ni.
Gas supply tu te chuan gas supply chungchangah State Sawrkar nilovin Gas Agent te hi a mawhphurtu zawk an nih thin thu sawiin, Gas harsatna a awmin hmun dang ang lo takin Mizoramah chuan Sawrkarin dem a hlawh thin a, Gas Agent te pawhin an mawhphurhna zawk ani tih hria a tan la deuh se tha an tih thu an sawi a, mipuite harsatna hrethiama Mizoram Sawrkarin Gas chungchanga hma a la thin chu lawmawm an tih thu an lo sawi bawk.
Borkhola Gas Bottling Plant hi Indian Oil Corporation Ltd (Assam Oil Division) hnuaia LPG Bottling Plant hmasa ber biin September 30, 1991 khan hawn a ni a, hemi kum vek November ni 22 atangin Gas bur hralh chhuah tan ani. A tirah chuan nikhatah gas bur hi Truck trip 5 bal an thun khat hman thin lova, tunah hian nitin truck trip 28 an thun khat hman tawh a ni. December thla atang electric hmang gas bur ruak thun anih hunah chuan tun aia a let a tam hi thun theih beisei a ni.
Borkhola Gas Bottling Plant hian tun dinhmunah chuan Mizoram, North Tripura, Jiribam (Manipur) leh Barak Valley (Assam) pumpui an supply mek a ni
Minister hian Borkhola Gas Bottling Plant a tlawh hnu ah Silchar FCI Kudam tlawh lehnghalin buhfai dinhmunte a enfiah a, FCI kudam enkawltute chuan Mizoram chhung check-gate hrang hranga pawisa laksak an nih thin avangin harsatna an tawh thin thu an lo sawi a, Minister chuan lo enchiana thil tidiklotute chu man chhuah ngei a tum thu in a chhang a ni. Tun dinhmun ah chuan buhfai stock a that tawk thu leh Mizoram tan thla[phanna tur a awm loh thu Minister hi an lo hrilh nghal bawk.
Minister hian Silchar a kal pah hian Vairengtea Supply Check-Gate tlawhin an hnathawh dante a endik nghal a, Vairengte hi phai lam atanga mipuite mamawh phurh luhna hmun ber anih avangin an hna uluk atul a, hnathawktute chu fimkhur tak leh rintlaka an hna thawk tura hrilhin, tha taka an hna thawk turin leh diklo taka thil tih tumte chu dim lo turin a hrilh nghal bawk a ni.
Minister hi Pu K.Lianzuala, MLA, Pu Rokunga Ralte, Jt.Director FCS & CA leh Silchar L.O Pu James Lalrinchhana ten an tawiawm a ni.
Attachment
- Loading attachment...
