Pu H. Rohluna Supply Minister chuan ni 11.7.2012(Nilaini) tlai dar 4:00 khan Prof. KV Thomas, Union Minister of State(Ind-charge) for Food, Public Distribution & Consumer Affairs chu a office New Delhi-ah a hmu a, Mizoram a duhsak thin avanga lawmthu a hrilh rualin economic cost buhfai aia man tlawm zawk leh chini pek belh turin a thlen.

Union Minister chuan Mizoram in Public Distribution System a kalpui danah lawmthu alo hrilh rualin buhfai leh chini Mizoram in a mamawh belh thu Mizoram Governor nen pawh an lo sawi dun tawh thu Pu H. Rohluna chu alo hrilh a ni. BPL Scheme atangin buhfai 46,930 qtls. July, 2012 - March, 2013 chhung atan Mizoram pek belh anih thu hrilhin Order pawh alo pe nghal a. Hemi bakah thla thum(July-Sept. 2012) chhung atan OMSS atangin buhfai 1,50,000 qtls. Mizoram pek (allot) belh leh anih tur thu a hrilh, Chini pawh a theih ang ang a pek (allot) belh a tum thu alo hrilh bawk.

Minister hi M. Zohmingthangi, Secretary, FCS & CA in a tawiawm a ni.