New Delhi-a cham mek Minister of State Pu K Lalrinliana chuan nimin tlai khan Union Secretary for Development of North-Eastern Region (DoNER) Ministry Pu Inder Jit Singh hmu in Minister hian a department enkawl ten DoNER Ministry a Mizoram Sawrkar in project proposal thehluh tawh te a sawipui.

Minister hian Tlawng Lui lian thin in Bairabi ram a lak hek nasat a vang a chenna in, lo leh ram te an chan nasat zia DoNER secretary hi hrilh in, hemi venna leh danna tur a tan a project proposal thehluh tawh chu Bairabi a  chengte tan mai bakah Mizoram pum tan a thil tul leh pawimawh a nih thu a hrilh a,  lo ngaipawimawh sak tur in a ngen a ni. Heng bak ah hian FCS & CA Deparment in Infrastructure hrang hrang mamawh an lo thlen tawh te chu a pawimawhna te sawifiah in, Mizoram ah fur nasat zia leh fur laia ei leh bar chungchangah harsatna a nasat thin thu a hrilh a, fur chhung a rin atan hmun tam tak ah buhfai dah khawl a ngai thin a, dahkhawl na tha a awm loh chuan buhfai tam tak a chhiat phah thin a ni tih sawiin , godown tha hmun tam tak a an mamawh thu a thlen a. Union Secretary pawhin a lo ngaipawimawhin Minister hi hmalak zel dan tur te a sawipui a, Fisheries Department hnuai ah pawh plan proposal siam dan tur te pawh a sawi hmuh nghal a. Union Secretary chuan Minister sawmna ang in Mizoram chu kumin November thla chhung ngei a tlawh a tum thu a hrilh bawk a ni