Pu H Rohluna, Food Civil Supplies & Consumer Affairs Minister chuan Ngopa khua, Berhtlang Filling Station(Petrol Pump) ni 10.4.2013 khan a hawng.

IOC Filling Station hawnna inkhawmah hian Pu H Rohluna chuan Minister leh Official te hmalakna chak bik vang nilovin IOC lam hotuten theihtawp an chhuah avanga he Station hawn hma a ni thei chu lawmawm a tih thu a sawi.

Gas Agency neih chungchang tarlangin Minister chuan State dangin RGGLV hnuaiah Gas Agency 5 pawh an la neih hmain Mizoram ah chuan 19 zet hawn anih tawh thu leh 9 dang pawh tihfel thuai anih dawn thu leh Godown (kudam) lian khaw 17 a sak tur pawh peih thuai anih a beisei thu a sawi tel bawk.

Tun tum Minister zin hian Teikhang Community Hall leh Mimbung Forest Rest House thar leh Khawkawn BNRGSK Building a hawng nghal bawk.

Minister hian Dulte khua a Santen (Dysentery) hrileng avanga nunna chan Pi Laltlanthangi ral in Kawlkulh CHC a admit 12 leh Saitual Ruaral Hospital a dahluh 11 te a tlawh bawk a, Docter leh Nurse ten theihtawp a damlo enkawlna hna an thawh vat na avangin lawmthu a sawi.

Minister hi IOC lam atangin Pu MKK Pegoo, Sr. Divisional Retail Sales Manager, Silchar leh Pu KV Nela, Manager Retail Sales, Aizawl bakah Mizoram Petroleum Dealer Association hruaitute leh Officila engemawzat in an tawiawm a ni.