No.1185/2020-2020

Vawiin chawhma khan Pu K Lalrinliana, Minister of State for Food, Civil Supplies & Consumer Affairs Department chuan Phaisen khua ramri dep a duty tur Reserve Volunteer Task force mi 30 chu Kolasib DC office tualzawl atangin a vailiam.

Minister chuan, hrileng avanga hun khirhkhan tak kan ramin a tawh mek lai a, ramri veng tur thlalai thahnem tak penchhuak chu fakawm a tih thu leh entawntlak a tih thu a sawi a. State thenawm a hri vei an pun mek lai a, ramri dep a duty hna thawh hi a tulin a pawimawh hle tih a sawi bawk a ni.

Dr H Lalthlangliana, Deputy Commissioner, Kolasib chuan ramri a tlawmngaia duty inpe, Reserve Volunteer Task Force a inziaklut thalai kum 18 leh 40 inkar mi zali chuang an awm mek thu a sawi a. A hma a fehchhuak Kolasib Tumpui thalaite chhawk tur Kolasib Hmar veng thalai mi 30 vawiina chhuak turte hi an ni, a ti. Anni hi vawiin atangin May ni 24, 2020 thleng Phaisen-ah an duty dawn a ni. Supply Minister hian DLTF ten a tul apianga an hman turin DC hnenah Rs. 10,000/- a hlan a ni.