Food Civil Supplies and Consumer Affairs changtu Minister Pu K.Lalrinliana chuan vawiin khan Tavern Guest House, Chaltlangah  Spice Gas Bottling Plant sakna tur lungphum a phum. He hunah hian Education Minister Pu Lalchhandama Ralte pawh a tel a ni.

Pu K.Lalrinliana chuan chungkaw tin  mamawh eirawngbawlna gas mipuiin awlsam zawka kan hmuh theihna tur Bottling Plan thar Spice Gas ten Mizoramah an rawn la lut tur chu lawmawm a tih thu sawiin Mizoramah mel lung pawimawh tak kan phun a ni, a ti. Gas sem chhuah kawngah Mizoramin harsatna a tawk fo va, gas bottling plant pahnih Borkhora leh Mualkhang in Mizoram a chawm a, Borkhora phei chu State dangte nen kan intawm avangin eirawngbawlna gas indaihlohna a nasa hle a, Spice Gas bottling plant hian mipui mamawh nasa takin a phuhruk ngei a beiseiawm, Minister chuan a ti a. Rei tak tak nghah ngai lova chhungkaw tin te chokaah ngei gas an pe thei tur te, gas filling station atangin mi harsa zawkte pawhin an mamawh tawk thun theih tura ruahmanna an siamte chu lawmawm a tih thu Pu K. Lalrinliana chuan a sawi bawk a ni.

Spice Gas hi private company niin sawrkar laipui Ministry of Commerce and Industries phalna la in India ram hmun hrang hrangah LPG bottling plant an siam a. North East state tinah gas bottling plant siam thei turin phalna an nei tawh bawk. Supply Minister-in lungphum a phum tak Mizorama Spice Gas bottling plant thar hi Pawihchhek, Phunchawngzawl, Muallungthu ah an siam dawn a, thla nga chhunga hna thawh zawh hman tumin August thlaah chuan mipuite hnena gas hralh chhuah tan theih an inbeisei. He bottling plant hian 2x20MT capacity a nei ang a, ni khatah gas bur 6000 thun thei tura ruahman a ni. Mizoram chhungah dealer 60 atanga 70 vel neih an tum a, mi 300 vel tal chuan eizawnna an neih theih phah dawn a ni. Dealer tinah hian refilling station, a duh tana mahni mamawh zat gas thun chawp theihna tur siam tum a ni bawk a, khawpui lian zawka a

Attachment

  • Loading attachment...