Mizoram Chief Minister Pu Zoramthanga chuan vawiin khan Indian Ambassador to Azerbaijan Pu Vanlalvawna chu a office ah a kawm.

Pu Vanlalvawna chuan Union Minister of External Affairs hmalakna in state hnufual bikte tihhmasawnna kawng khat atan Indian Ambassador ten India state chan bik neiin, an awmna ram theuhah an state chan te tan inphochhuahna kawng te zawn sak tura ambassador te chu beisei an nih thu a sawi a. Azerbaijan ah chuan infiamna lamah te, handloom lamah te Mizo tan inphochhuahna remchang tak a awm thu a sawi a. Chief Minister pawhin Azerbaijan chu ram hausa tak, contact sports, a bikin boxing lama khawvel hriat hlawh an nih thu sawiin, Mizo thalai te hmasawn theihna turin India ram leh Azerbaijan inlaichinna chu hman tangkai ni thei se a duh thu a sawi.