1190/2023-2024

Aizawl, 19th July, 2023 : Vawiin khan IOCL Executive Director & State Head, Assam Oil Division - North East bialtu leh a hoten Food Civil Supplies & Consumer Affairs Minister Pu K Lalrinliana chu a office ah an kawm a. IOCL hotute chuan Mualkhang Bottling Plant sak len leh sak that tumna chu tan theih vat a nih dawn thu leh hemi atana lungphum phum dan tur leh a hun tur leh te an sawipui a. Lungphum hun tur hi Chief Minister zahawm tak naktuk a kawmna hun neih tur a thuthlukna siam turin sawiho tum a ni.

Mualkhang Bottling Plant hi 2006-a lo hawn tawh niin, Oil Industry Safety Directorate in safety norms an siam te a phak tawh loh avangin 2020 kum tir khan khar a ni a. A siam that leh tihlenna turin Mizoram sawrkar chuan kum 2021 khan ram hectare 2-a zau leiin a lo pe tawh a ni. Tuna gas bottling plant siam thar tur hi 30 TMTPA - 30000 Metric Tonnes Per Annum, kum khat a Metric Tone 30000 siam chhuak thei tur a duan a ni a, thla 24 chhung a siam zawh tur a ruahman a ni.

Tun lai hian Mizoram a LPG mamawh zat hi nitin truck 20 vel phur a ni a, chu chu cylinder 6120 vel ani. Thlakhat a 1,83,600 vel mamawh niin kum khatkhat ah cylinder 22,03,200 vel mamawh ang a chhut a ni.